خواتین اپنے حسن کو چار چاند لگانے ہر ماہ پارلر میں ہزاروں روپے خرچ کرتی ہیں مگر کچھ قدرتی چیزیں ایسی ہوتی ہیں جو کم پیسوں میں چہرے کو وہی چمک دے سکتی ہیں جو پارلر کی مہنگی ٹریٹمینٹس دیتی ہیں۔ سب سے اچھی بات ان چیزوں کے قدرتی ہونے کی وجہ سے کوئی سائیڈ افیکٹ بھی نہیں ہوتے۔ ایسا ہی ایک شاندار سا اسکرب اور فیس ماسک ہم آپ کو بتانے جارہے ہیں جس کے بارے میں ڈاکٹر بلقیس کا کہنا ہے کہ یہ رنگت نکھارے گا بھی اور داغ دھبے بھی صاف کرے گا۔
اسکرب بنانے کا طریقہ
4 ،5اخروٹ کی گریاں لے کر باریک گرائینڈ کرلیں۔ 1 بڑا چمچ پسی ہوئی ملتانی مٹی، 1 بڑا چمچ چھنا ہوا بیسن اور 1 چمچ صندل کا برادہ لے کر ملا لیں۔ اس میں اتنا عرق گلاب ڈالیں کہ لیپ تیار ہوجائے۔
استعمال کا طریقہ
بہترین نتائج کے لئے اس لیپ کو رات کو چہرے، گردن اور ہاتھ پر لگائیں۔ 10 منٹ بعد اسکرپ کر کے اچھے سے جلد پر ملیں اور پھر سوجائیں۔ صبح اٹھ کر چہرہ تازے پانی سے دھو لیں۔ یہ دھوپ سے جھلسی ہوئی جلد کو نئی زندگی بخشنے کے ساتھ رنگت نکھارے گا اور داغ دھبے بھے دور کرے گا۔
نوٹ
واضح رہے کہ اگر آپ کی جلد خشک ہے تو پھر ماسک میں ملتانی مٹی شامل نہ کریں۔