شوگر کے مریضوں کے لئے قدرت کا انمول تحفہ ۔۔ جانیئے گوند کے چند ناقابلِ یقین فوائد

گوند کا نام تو ہم سب ہی سُنتے رہتے ہیں مگر یہ وہ گوند نہیں جو آپ سمجھ رہے ہیں، دراصل ہم بات کر رہے ہیں براؤن گوند کی جو استعمال کرنا انسانی جسم کے لئے بےحد جادوئی فوائد کی حامل ہوتی ہے، ماہرین کے مطابق براؤن گوند کے استعمال سے کئی بیماریوں کا علاج بھی کیا جا سکتا ہے، وہ کیسے آیئے ہم آپ کو بتاتے ہیں۔

• گوند کے حیرت انگیز فوائد

گوند گوگل نامی درخت کے اندرسے نکلنے والے عرق سے بنائی جاتی ہےجس کے بے شمار طبی فوائد ہیں، ماہرینِ صحت کا دعویٰ ہے کہ اگر گوند کو دوسری جڑی بوٹیوں کے ساتھ ملا کر استعمال کیا جائے تو یہ بےحد کارآمد ثابت ہوتی ہے، گوند میں اینٹی آکسائڈنٹ، اینٹی بیکٹیریل اور اینٹی سوزش خصوصیات پائی جاتی ہیں اس کے دیگر فوائد مندرجہ ذیل ہیں۔

• دل کی بیماریوں سے بچائے

ماہرین کا ماننا ہے کہ جو لوگ کولیسٹرول کی بیماری کا شکار ہیں وہ گوند کا استعمال کر کے اپنا بڑھا ہوا کولیسٹرول گھٹا سکتے ہیں اور کیونکہ ہائی کولیسٹرول کا تعلق دل کی دیگر بیماریوں میں مبتلا کرنے کا ہوتا ہے اس لئے آپ دل کی دیگر بیماریوں سے بھی بچ سکیں گے، گوند کا استعمال فالج اور ہارٹ اٹیک جیسی جان لیوا بیماریوں سے بھی بچائے رکھتا ہے۔

• جلد کے لئے بہترین

جیسے جیسے عمر میں اضافہ ہوتا ہے تو جلد پر جھریاں پڑنے لگتی ہیں اس کے لئے گوند ایک جادوئی نسخہ ثابت ہو سکتی ہے، چہرے پر گوند کا استعمال کرنے سے جھریاں اور جھائیاں دور ہوتی ہیں، داغ دھبے دور ہوتے ہیں اور جلد سے مردہ خلیات کا خاتمہ ہوتا ہے۔

• کمزوری دور کرنے کے لئے مفید

گوند کا استعمال ان لوگوں کے لیے بے حد ضروری ہے جو طویل بیماری کا شکار رہے ہوں یا وہ لوگ جو کئی عرصے سے اینٹی بائیوٹیکٹس لے رہے ہوں کیونکہ گوند کے استعمال سے کمزوری دور ہوتی ہے گوند کا استعمال کرنے سے انسانی جسم میں بیماری کے بعد ہونے والی کمزوری دور ہوتی ہے۔

• شوگر کے مریضوں کے لئے قدرت کا بہترین تحفہ

شوگر کے مریضوں کو گوند کے استعمال کی خاص تائید کی جاتی ہے کیونکہ یہ ان کے لیے بے حد مفید ہے، گوند کا کام خون میں شوگر کی سطح کو بڑھنے سے روکنا اور شوگر لیول کو کنٹرول میں رکھنا ہے۔

• زچہ عورت کے لئے مفید

زچگی کے بعد عورت جسمانی طور پر بےحد کمزور ہوجاتی ہے ایسے میں بڑے بوڑھے زچہ عورت کو گوند اور دیگر غذاؤں سے پنجیری بنا کر دیتے ہیں جو کہ زچگی کے بعد کمزور دور کرنے میں اہم کردار ادا کرتی ہے۔

• وزن کم کرنے کے لئے بہترین

گوند کے استعمال سے میٹابولزم تیز ہوتا ہے اور یہی وجہ ہے کہ جب گوند کا استعمال کیا جائے تو جسم کی اضافی چربی گھٹتی ہے اور یوں وزن میں کمی آتی ہے۔