ہمسفر ڈرامے کی ننھی حریم 21 برس کی ہو گئیں۔۔ چائلڈ آرٹسٹ اب کیسی نظر آتی ہیں؟ دیکھیں

Humsafar Child Star Sara Kashif Aka Hareem Recent Pictures

پاکستانی ڈرامہ انڈسٹری کے یادگار شاہکار ہمسفرسے شہرت پانے والی چائلڈ اسٹار سارا کاشف راجپوت آج اپنی زندگی کے 21 بہاریں مکمل کر چکی ہیں۔ سارا نے ہمسفر جیسے مقبول ڈرامے میں ہریم کا کردار ادا کیا تھا، جو مرکزی کرداروں خِرَد اور اشعر (ماہرہ خان اور فواد خان) کی بیٹی تھیں۔

کم عمری میں ہی سارہ نے اپنی معصوم اداکاری، جذباتی مناظر اور پیاری مسکراہٹ سے ناظرین کے دل جیت لیے تھے، اور یوں وہ ہمیشہ کے لیے یادوں میں بس گئیں۔

اگرچہ سارہ اس وقت میڈیا اسکرین سے دور ہیں اور پوری توجہ اپنی تعلیم پر مرکوز کیے ہوئے ہیں، لیکن ان کی مقبولیت آج بھی برقرار ہے۔ ہمسفر کے شائقین آج بھی ننھی حریم کو محبت سے یاد کرتے ہیں۔

آج اپنی 21ویں سالگرہ کے موقع پر سارا نے اس خاص دن کو نہایت سادگی اور خوشی کے ساتھ منایا۔ انہوں نے دو کیک کاٹے—ایک گھر میں اہلِ خانہ کے ہمراہ اور دوسرا اپنے قریبی دوستوں کے ساتھ، جہاں خوشی، قہقہوں اور محبت بھرا ماحول دیکھنے کو ملا۔

سالگرہ کے موقع پر سارہ نے دوستوں کے ساتھ تصاویر بھی بنوائیں جو اس یادگار دن کی خوبصورت جھلک پیش کر رہی تھیں۔