دودی خان نے راکھی ساونت کیلئے کتنے لاکھ کے ہیرے کی انگوٹھی خرید لی؟ ویڈیو بھی شیئر کردی

"میں نے راکھی ساونت کے لیے 18 لاکھ روپے کی اصلی ہیرے کی انگوٹھی خریدی ہے۔"

پاکستانی اداکار دودی خان نے اپنی ایک حالیہ ویڈیو میں یہ انکشاف کیا ہے کہ انہوں نے بھارتی اداکارہ و رقاصہ راکھی ساونت کے لیے 18 لاکھ روپے مالیت کی اصل ہیرے کی انگوٹھی خریدی ہے۔ ویڈیو میں دودی خان نے بتایا کہ وہ سوشل میڈیا پر بہت ساری ویڈیوز دیکھ رہے ہیں جہاں مختلف لوگ راکھی کو قیمتی تحائف دینے کا وعدہ کر رہے ہیں، مگر ان کا کہنا تھا کہ "یہ سب صرف باتیں ہیں، میں نے جو تحفہ دیا ہے وہ حقیقت ہے۔"

راکھی ساونت نے دودی خان کی ویڈیو اپنے انسٹاگرام پر شیئر کرتے ہوئے دل کے ایموجیز کے ساتھ ردِ عمل دیا۔ دودی خان نے بھی جواب میں لکھا "ہم باتوں میں نہیں ہیں، میری جان۔"

دوسری جانب، مفتی قوی نے اعلان کیا ہے کہ وہ آج 14 فروری کو راکھی ساونت سے نکاح کریں گے۔ مفتی قوی نے اس شادی کی تاریخ راکھی کی مرضی کے مطابق رکھی ہے اور یہ بھی کہا کہ "میرا نکاح آج ہی ہوگا، اور یہ فیصلہ راکھی کی خواہش پر کیا ہے۔"

راکھی ساونت نے مفتی قوی کو اپنی شادی کے لیے آمادگی کا اظہار کیا تھا اور ان دونوں کی شادی کی تاریخ بھی طے ہو چکی ہے۔

یہ کہانی خاص طور پر سوشل میڈیا پر تہلکہ مچائے ہوئے ہے۔