یہاں کے کھانے بد مزہ ہیں ۔۔ صحیفہ جبار نے لاہور اور کراچی کے کھانوں میں سے کس کی برائی کر دی؟

کھانوں کے معاملے میں پاکستان کا ہر شہر اپنی کسی نہ کسی منفرد ڈش کی وجہ سے مشہور ہے، پھر چاہے وہ کراچی کی بریانی ہو یا لاہور کے پائے، پشاور کے چپلی کباب ہوں یا پھر ملتان کا سوہن حلوہ، ہر ایک دوسرے پر بھاری ہے۔

لیکن صرف کراچی اور لاہور کے کھانوں کی بات کی جائے تو پلڑا ہمیشہ کراچی کے کھانوں کا ہی بھاری نظر آتا ہے۔

کھانوں کی اس بحث میں اب اداکارہ صحیفہ جبار نے بھی حصہ لے لیا ہے۔ حال ہی میں انہوں نے ایک پوڈکاسٹ میں شرکت کی جہاں انہوں نے کراچی کے کھانوں کی تعریف کرتے ہوئے لاہوری کھانوں کی برائی کر ڈالی۔

ان سے جب پوچھا گیا کہ کراچی اور لاہور کے کھانے میں آپ کو کہاں کا پسند ہے تو انہوں نے جواب دیا؛¬¬¬

"لاہور کے مقابلے میں کراچی کے کھانے بہت اچھے ہیں، نہاری اور پائے یہاں بہت اچھے ہیں جبکہ لاہور کے کھانے بہت بُرے ہیں۔"

صحیفہ نے مزید کہا کہ، لاہور کی بس بٹ کڑاہی اچھی ہے، جس پر میزبان نے کہا کہ، بٹ کراہی بھی اچھی نہیں ہے میں ایک مرتبہ کھانے گیا تو اس میں سے مکھن کی ہیک آرہی تھی۔

یہ سن کر اداکارہ نے مزاحیہ انداز میں کہا کہ، کراچی والو! مکھن کی خوشبو ہوتی ہے ہیک نہیں اور بٹ کراہی تھال میں کھانے کا مزہ ہی الگ ہے۔