How to Keep Your Toothbrush Clean?

دانتوں کے برش کی حفاظت کیسے
اگر آپ یہ چاہتے ہیں کہ آپ کے دانتوں پر میل کی تہ (PLAQUE) نے جمے تو دن میں دو تین بار دانتوں میں برش کیجیے۔ ایسا کرنے سے آپ دانتوں کی بیماریوں سے بچے رہیں گے اور آپ کو تعدیہ (انفیکشن) بھی نہیں ہوگا۔ کیاآپ کو معلوم ہے کہ آپ کے دانتوں کا برش بظاہر دیکھنے میں معصوم اور بے ضررسا نظر آتا ہے، لیکن حقیقت یہ ہے کہ اس میں بے شمار جراثیم ہوتے ہیں۔یہ برش آپ کو دانتوں کی کسی بھی بیماری میں مبتلا کر سکتا ہے۔ چنانچہ ہمیں اس کی بھی صفائی کرتے رہنا چاہیے۔ آپ اپنے برش کو ضرور صاف رکھیں ،چاہے آپ گھرپر ہوں یا حالت سفر میں۔جب آپ دانتوں میں برش کرتے ہیں تو بظاہر دانت صاف ہوجاتے ہیں، لیکن بیشتر جراثیم دانتوں میں منتقل ہوجاتے ہیں، اس لیے کہ آپ اپنے برش کو روزانہ صاف نہیں کرتے۔دانت صاف کرنے کے بعد برش کو اچھی طرح سے صاف کیجیے۔ یہ بھی ممکن ہے کہ اس میں پیسٹ جمارہ گیا ہو یا دانتوں سے نکلنے والا کوئی غذائی ذرہ۔ کبھی کبھار اپنے برش کو ماؤتھ واش سے صاف کرلیں یا ایسا کرنا اس وقت بے حد ضروری ہے ، جب برش آپ کے ہاتھ سے فرش پر گڑ پڑے۔

keep your toothbrush clean
برش کی صفائی میں یہ ضرور پیش نظر رکھنا چاہیے کہ آپ اسے کسی جگہ رکھتے ہیں۔ بہت سے افراد اسے غسل خانے میں لگے واش بیسن کے قریب لٹکادیتے ہیں۔ایسا کرنا مناسب نہیں ہے، اس لیے کہ جب ہم منھ ہاتھ دھوتے یاکلی کرتے ہیں تو آلودہ پانی کے چھینٹے برش پر پڑنے کا خدشہ ہوتا ہے۔

بہتر طریقہ یہ ہے کہ اسے اونچی جگہ پر کسی برش ہولڈرمیں لٹکایاجائے، جہاں اسے ہوا لگتی رہے اور اگلے دن جب آپ اس سے دانت صاف کرنے لگیں تو وہ خشک ہو۔ برش کو کسی ڈبے میں بند نہ کیجیے۔ ورنہ وہ خشک نہیں ہوپائے گا۔ ایک ہی ڈ بے میں دو چار برش رکھنا بھی مناسب نہیں ہے، اس لیے کہ دوسرے برشوں کے جراثیم آپ کے برش میں داخل ہوسکتے ہیں۔

دانتوں کے برش کو غسل خانے میں رکھنا بہرحال کوئی نامناسب بات نہیں ہے۔ دانتوں میں برش کرنے کے بعد آپ غسل کرلیتے ہیں، مگر اسے کموڈیا، واش بیسن سے فاصلے پر ہونا چاہیے۔ اس لیے کہ کموڈ کا ڈھکن بنتے ہی جراثیم سارے غسل خانے میں پھیل جاتے ہیں۔برش کو صاف ستھرا رکھنے کے باوجود اس میں جراثیم رہ جاتے ہیں۔ چنانچہ آپ اسے تھوڑے تھوڑے وقفے سے تبدیل کرتے رہیں۔ طویل عرصے تک استعمال کیے جانے والے برش سے دانتوں میں سوزش اور ورم بھی ہوسکتا ہے۔ اگریہ برش ٹوٹ پھوٹ جاتے تو اسے ہرگز استعمال نہ کریں اور اسے کوڑے کی ٹوکری میں ڈالنے کے بعد نیا برش خرید لیں۔

دانتوں کے معالجین کہتے ہیں برش زیادہ عرصے تک استعمال نہ کریں اسے ہر تین یاچار ماہ بعد تبدیل کرتے رہیں۔ بچوں کے معاملے میں مزید محتاط رہنے کی ضرورت ہے۔ ان کے برش ہر ماہ تبدیل کر دیں۔بیماری کے بعد بھی آپ کو اپنا برش ضرور بدل دینا چاہیے، اس لیے کہ جب آپ بیماری کے دوران برش کرتے رہے ہیں تو مکمل صفائی نہ ہونے کے سبب جراثیم اس میں پرورش پاتے رہتے ہیں۔کسی دوسرے فرد کا برش ہرگز استعمال نہ کریں، اس لیے کہ اگر اسے دانتوں کی کوئی بیماری ہوئی تو وہ آپ کو بھی لگ سکتی ہے۔ اسی طرح سے آپ کی بیماری دوسروں کو منتقل ہوسکتی ہے۔ چنانچہ گھر کے ہر فرد کابرش علاحدہ ہونا چاہیے۔ احتیاطََ ایک دو فالتو برش بھی خرید لیں، تاکہ کسی فرد کو اچانک ضرورت پڑجائے تو اس کا انتظام ہوسکے یاکبھی کوئی مہمان آجائے تو اور وہ اپنا برش نہ لایا ہوتو اس برش کو استعمال کیا جاسکے۔

جب آپ سفر کا ارادہ کرلیں تو دانتوں کا برش ساتھ رکھیں۔ اگربرش کو سوٹ کیس میں بند کریں تو یہ اطمینان کرلیں کہ برش خشک ہو۔ برش کرنے کے بعد بھی اسے خشک کرنا ضروری ہے۔

How to keep your tooth brush germ-free and sanitized? We are going to share some very useful tips that would help you proper ways to keep your brush clean. Keeping it clean will be a major step toward healthy teeth and gums.

Ignoring hygiene of your toothbrush could cause lots of problems and to prevent any kind of oral infection and gums diseases, it is highly recommended by health experts to keep your brush neat and clean. Whether you are at home or in a journey, always take care of the brush, never leave any particles in it, keep its filaments clean.

Read more tips on this in Urdu shared by KFoods.com in the following lines.

By Humayun    |    In Health and Fitness   |    0 Comments    |    7314 Views    |    31 May 2016

Comments/Ask Question

Read Blog about How to Keep Your Toothbrush Clean? and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (How to Keep Your Toothbrush Clean?) and how to utilize other natural ingredients to cure diseases, easy recipes, and other information related to food from KFoods.