میاں آپ کی ہر بات مانے گا لیکن ۔۔ صباء فیصل نے آج کل کی لڑکیوں کو 45 سال کی عمر کے مردوں سے شادی کرنے کا مشورہ کیوں دے دیا؟

Saba Faisal Emphasizes On Sons Naseeeb After Marriage

اداکارہ صبا فیصل کا کہنا ہے کہ لڑکیوں کو اگر شادی کے لیے امیر یا قابل یعنی ویل سیٹلڈ لڑکوں کی خواہش ہو تو وہ 45 سال کے آدمی سے شادی کریں کیونکہ 25 یا 30 برس کے لڑکے خود دوسروں پر انحصار کرتے ہیں۔ حال ہی میں اداکارہ نے نجی چینل کے پروگرام میں بطور مہمان شرکت کی جہاں انہوں نے مختلف امور پر گفتگو کی۔ دوران شو اولاد کے نصیب کے حوالے سے گفتگو کرتے ہوئے انہوں نے کہا کہ ہم پہلے یہ دعا کرتے تھے کہ اللّٰہ تعالیٰ بیٹیوں کے نصیب اچھے کرے لیکن اب ہمیں یہ بھی دعا کرنی چاہیے کہ اللّٰہ بیٹوں کے بھی نصیب اچھے کرے۔

اداکارہ نے یہ بھی کہا کہ بیٹے پورے خاندان کو ساتھ لے کر چلتے ہیں اور بیٹوں کی شادی جب ہوتی ہے تو یہ ذمے داری بہو پر بھی آجاتی ہے کہ اسے گھر آگے لے کر چلنا ہوتا ہے اور یہ ایک بہت بڑی ذمے داری ہوتی ہے۔ جب میری والدہ بیمار تھیں تو میری بھابھی نے میری ماں کی بے انتہا خدمت کی جس کی وجہ سے میں آج ان کو ماں کا درجہ دیتی ہوں۔ آج کل لڑکیوں کی خواہش ہوتی ہے کہ جب ان کی شادی ہو تو انہیں سب کچھ مل جائے۔ انہیں یہ سوچنا چاہیے کہ جب آپ کسی نوجوان سے شادی کریں گی تو وہ خود اسٹرگل کر رہا ہوگا، وہ اسٹیبل نہیں ہوگا اور اگر انہیں ویل اسٹیبل شخص کی خواہش ہے تو پھر وہ کسی 45 سال کے شخص سے شادی کریں۔

Saba Faisal Emphasizes On Sons Naseeeb After Marriage