نوجوان مجھے شادی کی پیشکش کرتے ہیں تو، میرے شوہر ۔۔ سوشل میڈیا پر صبا فیصل کو کیسے پیغامات آتے ہیں؟ دلچسپ قصے سنا دیئے

حال ہی میں، ٹی وی ون کے تھوری سی مستی شو سے صبا فیصل کا کلپ سوشل میڈیا پر گردش کر رہا ہے۔ نادیہ خان کی میزبانی میں ہونے والے شو میں صبا فیصل نے نوجوان لڑکوں کی جانب سے دلچسپی (فلرٹ کرنے) کے پیغامات موصول ہونے کا انکشاف کیا۔

اس کے بارے میں بات کرتے ہوئے، انہوں نے کہا، "مجھے اب بھی 22 سال کے چھوٹے لڑکوں کے پیغامات موصول ہوتے ہیں، اس عمر میں بھی، وہ کہتے ہیں، 'اگر آپ ہاں کردیں تو ہم سب کچھ چھوڑ کر آسکتے ہیں اور آپ کا ہاتھ مانگ سکتے ہیں۔ اور میں ان سے ہنس کر کہتی ہوں، 'اس عمر میں مجھ سے کس کا ہاتھ مانگنا چاہتے ہیں، میرے نواسے کا؟'

نادیہ خان کے پوچھنے پر انہوں نے بتایا کہ، میرے شوہر اس کے بارے میں سب جانتے ہیں۔ میں ان کے ساتھ سب کچھ شیئر کرتی ہوں۔

اپنی کامیاب شادی کے بارے میں بات کرتے ہوئے انہوں نے کہا کہ، فیصل مجھ سے بہت پیار کرتے ہیں اور اسی طرح میں بھی اس سے محبت کرتی ہوں۔ وہ پیغامات کے ذریعے اپنی محبت کا اظہار کرتے ہیں اور اکثر میں ان سے کہتی ہوں کہ شکر کریں کام کی وجہ سے ہم دونوں الگ الگ شہروں میں رہتے ہیں ورنہ ہمارے درمیان یہ محبت باقی نہ رہتی۔ ان کا مزید کہنا تھا کہ مرد اپنی بیویوں سے رومانوی باتیں سننا چاہتے ہیں۔