گرمی میں بھانپ کیوں لیں؟ ڈاکٹر بلقیس نے بتایا ایکنی، اینٹی ایجنگ اور نارمل اسکن کے لیئے اسٹیم لینے کے وہ طریقے جو چہرہ چمکا دے

اکثر خواتین یہ سوال کرتی ہیں کہ گرمی میں بھانپ لینا کیسا ہے؟ اور جب گرمی سے اتنا پسینہ نکل جاتا ہے تو پھر بھانپ کیوں لیں؟ تو ان سارے سوالوں کے جواب دیئے ہیں مشہور زمانہ ڈاکٹر بلقیس شیخ نے اور ساتھ ہی مختلف جلد کے حساب سے اسٹیم لینے کی ریمیڈیز بھی شئیر کی ہیں۔
اسٹیم لینے سے بلڈ سرکولیشن اچھی ہوتی ہے، جلد میں موجود گندگی باہر نکل جاتی ہے اور کھلے مسام بھی صاف ہو کے بند ہونے لگتے ہیں۔ اسلیئے گرمی ہو یا سردی اسٹیم ضرور لیں یہ آپ کے چہرے کو چمکا دے گی۔

ایکنی والی جلد کے لیئے:

ایک بڑے پیالے یا ٹب میں 2 چمچ پنک (گلابی) نمک لیں اور اس میں کھولتا ہوا گرم پانی ڈال کر اوپر سے تولیہ اوڑھ لیں اور چہرے پر اچھی طرح بھانپ لیں۔ بھانپ لینے کے بعد اسکن کو 2 سے 3 منٹ پرسکون ہونے دیں، پھر تولئیے کو نیم گرم پانی میں ڈبو کر چہرے کو اچھی طرح صاف کرلیں۔
اس سے آپ کے چہرے سے بلیک ہیڈز، وائٹ ہیڈز اور ایکنی وغیرہ ختم ہوجائے گی اور چہرہ بھی صاف ہوجائے گا۔

اینٹی ایجنگ جلد کے لیئے:

ایک بڑے پیالے میں 4 چمچ اوٹس/ جو/ بارلے (جو بھی مل جائے) اور 1 ٹماٹر (سلائس کر کے) ڈال کر مکس کریں پھر اس میں کھولتا ہوا گرم پانی شامل کر کے اسکی بھانپ لیں۔ بھانپ لینے کے بعد اسکن کو 2 سے 3 منٹ پرسکون ہونے دیں، پھر تولئیے کو نیم گرم پانی میں ڈبو کر چہرے کو اچھی طرح صاف کرلیں۔
یہ چہرے پر موجود جھریاں، جھائیاں، کھلے مسام اور بڑھتی عمر کے نمایاں اثرات کو کم کر کے جلد کو خوبصورت اور جوان بنانے میں آپ کی مدد کرے گا۔

نارمل جلد کے لیئے:

ایک بڑے پیالے یا ٹب میں 8 سے 10 پتے پودینہ، 1 چمچ گرین ٹی اور 1 لیموں (سلائس کر کے) ڈال کر مکس کریں پھر اس میں کھولتا ہوا گرم پانی شامل کر کے اسکی بھانپ لیں۔ بھانپ لینے کے بعد اسکن کو 2 سے 3 منٹ پرسکون ہونے دیں، پھر تولئیے کو نیم گرم پانی میں ڈبو کر چہرے کو اچھی طرح صاف کرلیں۔
اس سے آپ کی جلد میں موجود چکنائی، آلودگی اور مردہ خلیات باہر نکل جائیں گے اور آپ کا چہرہ بلکل چمک اٹھے گا۔

اسٹیم لینے کے بعد اگر چہرہ خشک ہوجائے تو؟

اسکے لیئے آپ عرقِ گلاب اور گلیسرین کو ہم وزن لے کر ایک اسپرے بوتل میں ڈالیں اور پھر اسکا اسپرے کریں، یہ خشک ہوتی جلد کے لیئے بہترین نسخہ ہے۔