اگر آپ بھی روزانہ مرغی کا گوشت استعمال کرتے ہیں تو رُکیں۔۔ جانیئے مرغی کا گوشت استعمال کرنے کہ 4 بڑے نقصانات

مرغی کا گوشت سب ہی کو بہت پسند ہوتا ہے کیونکہ اس سے مزے مزے کے پکوان اور جنک فوڈ وغیرہ تیار کئے جاتے ہیں، سوپ سے لے کر کھانے کے مین کورس تک زیادہ تر پکوانوں میں مرغی کا گوشت ہی استعمال کیا جاتا ہے اس کی ایک اور وجہ یہ بھی ہے کہ یہ گائے اور بکرے کے گوشت کے مقابلے میں سستا ہوتا ہے۔
لیکن کیا آپ نے کبھی سوچا ہے کہ مرغی کے گوشت کا مسلسل استعمال ہماری صحت کے لئے کتنا نقصان دہ ہے؟ آج ہم آپ کو بتائیں گے مرغی کا گوشت روزانہ کھانے کے وہ مضر اثرات جو جان کر آپ بھی ایسا کرنا چھوڑ دیں گے۔

مرغی کا گوشت استعمال کرنے کے نقصانات

کولیسٹرول بڑھاتا ہے

اگر مرغی کا گوشت بھی گائے اور بکرے کے گوشت کی طرح اعتدال پسندی سے استعمال کیا جائے تو اتنا نقصان دہ نہیں ہوگا لیکن اگر آپ نے روزانہ مرغی کا گوشت کھانے کی عادت ڈال رکھی ہے تو یہ جان لیں کہ یہ آپ کا کولیسٹرول بڑھانے کی سب سے بڑی وجہ ہے، کیونکہ آپ اسے ڈیپ فرائی کر کے استعمال کرتے ہیں اور برگر وغیرہ میں بھی اسے ڈیپ فرائی کر کے شامل کیا جاتا ہے۔

گرم تاثیر

یہ بات آپ نے کبھی غور نہیں کی مگر یہ یاد رکھیں کہ مرغی کی تاثیر گرم ہوتی ہے اور یہ ہائی ہیٹ فوڈ کہلاتی ہے، اس کے ضرورت سے زیادہ استعمال سے آپ کے جسم کا درجہ حرارت بڑھ سکتا ہے اس لئے اگر مرغی کھانی ہی ہے تو کچھ دن کا وقفہ دے کر کھائیں تاکہ اس کا کوئی منفی اثر نہ ہو۔

وزن بڑھائے

مرغی کے روزانہ استعمال کا ایک اور بڑا نقصان یہ ہے کہ یہ وزن بڑھاتی ہے، جی ہاں اگر آپ روزانہ کی بنیاد پر مرغی کے بنے پکوان یا جنک فوڈ استعمال کرتے ہیں تو یہ آپ کے وزن بڑھنے کی سب سے اہم وجہ ہو سکتی ہے جیسے چکن بریانی، بٹر چکن، چکن کڑائی، چکن برگر، زنگر وغیرہ یہ تمام کھانے بہت زیادہ کیلوریز والے اور کولیسٹرول کے ساتھ ساتھ جسم میں اضافی چربی پیدا کرنے والے کھانے ہیں ان سے گریز کریں۔

پیشاب کی نالی میں انفیکشن

مرغی کے گوشت سے بنے کئی قسم کے پکوان آپ کو پیشاب کی نالی میں ہونے والے انفیکشن میں مبتلا کر سکتے ہیں، مرغی کے گوشت میں بہت سے انجیکشن بھی لگے ہوتے ہیں تاکہ مرغی وقت سے پہلے بڑی اور گوشت زیادہ ہو جائے وہ انجیکشن بھی انسانی جسم پر اثر کرتے ہیں جب آپ مرغی کا گوشت استعمال کرتے ہیں اور اس سے بھی سے نقصانات سامنے آتے ہیں۔
اس لئے مرغی کا گوشت اگر استعمال کرنا ہے تو اسے اُبال کر کھانوں میں شامل کریں اسے اچھی طرح دھوئیں اور ہفتے میں صرف ایک سے دو مرتبہ اس کا استعمال کریں تاکہ آپ اس کے مضر اثرات سے محفوظ رہ سکیں۔

By Sadia    |    In Health and Fitness   |    0 Comments    |    2849 Views    |    25 Aug 2021

Comments/Ask Question

Read Blog about اگر آپ بھی روزانہ مرغی کا گوشت استعمال کرتے ہیں تو رُکیں۔۔ جانیئے مرغی کا گوشت استعمال کرنے کہ 4 بڑے نقصانات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اگر آپ بھی روزانہ مرغی کا گوشت استعمال کرتے ہیں تو رُکیں۔۔ جانیئے مرغی کا گوشت استعمال کرنے کہ 4 بڑے نقصانات ) and how to utilize other natural ingredients to cure diseases, easy recipes, and other information related to food from KFoods.