اگر آپ بھی نہار منہ چائے یا کافی پیتے ہیں تو ٹھہریں۔۔۔۔ کیونکہ ماہرین کے خبردار کردیا

اکثر لوگ چائے یا کافی کا ایک گھونٹ جب تک نہ لیں تو ان کی صبح ہی نہیں ہوتی اور روزانہ منہ دھونے کے بعد چائے پینے سے ان کے دن کا آغاز ہوتا ہے لیکن کیا آپ نے کبھی سوچا ہے کہ کہیں آپ کوئی غلطی تو نہیں رہے اور یہ آپ کی صحت کے لئے نقصان دہ تو نہیں؟
آپ کو ایسا کیوں نہیں کرنا چاہیئے اس کی پیچھے کیا وجوہات ہیں اور یہ آپ کو کیا نقصان پہنچا سکتا ہے آیئے آج ہم آپ کو بتاتے ہیں۔

نہار منہ چائے یا کافی پینا کیسا ہے؟

چائے اور کافی کی تیزابیت والی تاثیر ہوتی ہے اور ان کو خالی پیٹ پینے سے آپ کے معدے میں تیزابیت کی کیفیت پیدا ہو سکتی ہے یا آپ کو بدہضمی ہو سکتی ہے، بے شک آپ کو نہار منہ چائے یا کافی سے جاگنے میں مدد ملتی ہوگی مگر اس کا سو کر اُٹھنے کے بعد خالی پیٹ استعمال کرنا آپ کے لئے پریشانی کا باعث بن سکتا ہے۔
تو چلیں تحریر کو آخر تک پڑھیں تاکہ آپ جان سکیں کہ آپ کو چائے اور کافی کا کس وقت استعمال کرنا چاہیئے اور خالی پیٹ پینے سے پرہیز کیوں کرنا چاہیئے۔
صبح سویرے خالی پیٹ چائے یا کافی پینے سے آپ کے منہ میں موجود بیکٹریا چینی کو جذب کر لیں گے اور اس کی وجہ سے آپ کے دانتوں میں کیڑے لگنے کا خطرہ بڑھ جاتا ہے اور یہی وجہ ہے کہ اکثر لوگ خالی پیٹ میں چائے یا کافی پینے کے بعد اپکائی محسوس کرتے ہیں۔

تو پھر چائے یا کافی کس وقت استعمال کریں؟

چائے یا کافی پینے کا صحیح وقت کچھ کھانے کے 1 سے 2 گھنٹے بعد ہے جب آپ کے معدے میں پہلے سے غذائی اجزاء موجود ہوں ساتھ ہی دوپہر کے کھانے کے بعد یعنی شام کے وقت چائے اور کافی کے ساتھ کوئی ناشتہ کرنا بھی بہتر آپشن ہے، ورزش سے پہلے کافی کا استعمال کرنے کا مشورہ ماہرین خود دیتے ہیں کیونکہ یہ آپ کی طاقت اور قوتِ مدافعت میں اضافہ کرتی ہے لیکن رات میں سونے سے بلکل پہلے کافی کا استعمال آپ کی نیند خراب کر سکتا ہے اور بار بار آپ کی آنکھ کھلنے کی وجہ بھی بن سکتا ہے۔

تو پھر صبح نہار منہ کیا پیا جائے؟

سب سے آسان اور سب سے بہترین طریقہ یہ ہے کہ صبح چائے یا کافی کے بجائے نہار منہ پانی ابال کر اس میں شہد اور لیموں نچوڑ کر پی لیا جائے یہ بہترین بوسٹنگ ڈرنک ہے اور اس کے استعمال سے آپ کا وزن بھی تیزی سے کم ہو سکتا ہے۔