ڈھائی ہزار خالص ہیرے جڑے ہیں۔۔ نیتا امبانی کا قیمتی ترین بیگ ! قیمت نے لوگوں کے ہوش اڑا دیے

Nita Ambani Diamond Studded Hermes Bag

بھارت کے معروف صنعتکار مکیش امبانی کی اہلیہ نیتا امبانی جہاں بھی نظر آتی ہیں، ان کی موجودگی خود ہی ایک خبر بن جاتی ہے۔ ان کی سادگی میں وقار، اور انداز میں ایک خاص اعتماد ہوتا ہے، جو ہر تقریب میں انہیں سب سے منفرد بنا دیتا ہے۔ حال ہی میں وہ معروف بھارتی ڈیزائنر منیش ملہوترا کی دیوالی پارٹی میں شریک ہوئیں، جہاں ایک بار پھر ساری توجہ ان پر مرکوز رہی۔

تقریب میں بالی وڈ کے نامور فنکاروں نے شرکت کی، مگر جیسے ہی نیتا امبانی کی آمد ہوئی، کیمرے ان پر جم گئے۔ ان کے ہاتھ میں موجود ہرمیز برکن بیگ سب کی توجہ کا مرکز بن گیا۔ بتایا گیا ہے کہ اس بیگ کی قیمت تقریباً 53 کروڑ پاکستانی روپے ہے۔ سفید سونے سے تیار کیے گئے اس نایاب بیگ پر ڈھائی ہزار سے زائد اصلی ہیرے جڑے ہوئے ہیں، جو اسے دنیا کے مہنگے ترین اور منفرد بیگز میں شامل کرتے ہیں۔

نیتا امبانی کو بھارت کی سب سے بااثر خواتین میں شمار کیا جاتا ہے۔ وہ کاروباری دنیا کے ساتھ ساتھ سماجی خدمت کے میدان میں بھی نمایاں کردار ادا کر رہی ہیں۔ تعلیم، صحت اور فنون لطیفہ کے فروغ کے لیے ان کی خدمات نہ صرف بھارت بلکہ بین الاقوامی سطح پر بھی سراہا جا چکا ہے۔

منیش ملہوترا کی دیوالی پارٹی ایک یادگار شام ثابت ہوئی، مگر نیتا امبانی کی آمد نے اسے ایک خاص مقام دے دیا۔ ان کا وقار، ان کا انداز اور ان کا انتخاب ایک بار پھر ثابت کر گیا کہ حقیقی شرافت اور خوبصورتی ہمیشہ اپنی پہچان خود بناتی ہے۔