کیل، مہاسوں اور جھائیوں کا خاتمہ۔۔ جانیں چاول کے پانی سے چہرے اور بالوں کی خوبصورتی بڑھانے کا آزمودہ نسخہ کیا ہے؟

Rice Water For Skin And Hairs

چاولوں کا پانی صدیوں سے خوبصورتی بڑھانے کے ایک مؤثر ٹوٹکے کے طور پر استعمال ہوتا آ رہا ہے۔ ماہرینِ جلد کا کہنا ہے کہ یہ نہایت کم خرچ، آسان اور حیرت انگیز فائدے رکھنے والا قدرتی نسخہ ہے جو چہرے اور بالوں دونوں کی خوبصورتی میں غیر معمولی اضافہ کرتا ہے۔

چاولوں کے صاف پانی کے علاوہ ابلے ہوئے چاولوں کا پیسٹ، پسا ہوا چاول، اور اس میں شہد ملا کر تیار کیا جانے والا وائیٹننگ اسکرب بھی خوبصورتی کے مختلف طریقوں میں استعمال ہوتا ہے۔ حیرانی کی بات یہ ہے کہ اس کی لاگت مہنگی پارلر ٹریٹمنٹس کے مقابلے میں نہ ہونے کے برابر ہے، کیونکہ چاول ہر گھر میں دستیاب ہوتے ہیں۔ اگر آپ چاول دھونے کے بعد ان کا پانی ضائع کر دیتی ہیں، تو آج اس کے فائدے جان کر آپ اسے بہانا چھوڑ دیں گی۔

چاولوں کے پانی کے کمالات:

چاولوں میں موجود وٹامنز اور منرلز جلد اور بالوں کے لیے نہایت فائدہ مند ہیں۔ چاولوں کے پانی کا باقاعدہ استعمال جلد کو نرم، ہموار اور شفاف بناتا ہے جبکہ بالوں میں یہ قدرتی چمک، نرمی اور سیدھا پن پیدا کرتا ہے۔ یہی وجہ ہے کہ آج کل بے شمار بیوٹی پروڈکٹس اور فیشل ٹریٹمنٹس میں چاول یا اس کا پانی شامل کیا جا رہا ہے۔

کیل مہاسوں اور جھائیوں سے نجات:

گرمیوں میں چہرے پر پسینہ اور دھول مٹی جمع ہونے سے جلد پر اضافی تیل بنتا ہے جس سے دانے نکل آتے ہیں۔ اگر وقت رہتے ان کا علاج نہ کیا جائے تو یہ دانے سیاہ دھبوں اور گہرے نشانوں کی شکل اختیار کر لیتے ہیں۔

چاولوں کا ٹھنڈا پانی اس حوالے سے ایک مؤثر حل ہے۔ چاول دھو کر اس کا صاف پانی الگ کر لیں اور اسے فریج میں رکھ کر ٹھنڈا کر لیں۔ اب بار بار یہ پانی چہرے پر چھڑکیں۔ اس عمل سے؛

کیل مہاسے کم ہوں گے

کھلے مسام سکڑ جائیں گے

جلد ہائیڈریٹ رہے گی

رنگت نکھرنے لگے گی

جھائیاں رفتہ رفتہ کم ہوں گی

چاہیں تو ایک نرم کپڑا یا ٹشو چاولوں کے پانی میں بھگو کر 15 سے 20 منٹ کے لیے چہرے پر رکھ لیں۔ چند دنوں میں ہی آپ دیکھیں گی کہ چہرہ صاف، داغ دھبوں سے پاک اور مزید تروتازہ نظر آنے لگا ہے۔

چاولوں کا پانی واقعی ایک انتہائی سستا مگر بےحد فائدہ مند بیوٹی فارمولہ ہے، جسے ایک بار آزما لینے کے بعد ترک کرنا مشکل ہوجاتا ہے۔