حاملہ خواتین کی قبض دور کرنے کے لئے سفید تل فائدہ مند ہیں مگر ۔۔۔ جانیئے ماہرین کی بتائی گئی 3 بہترین ٹپس

حمل کے دوران خواتین کو پیٹ میں گیس اور قبض کی شکایت بہت زیادہ ہوتی ہے جو کہ حمل کی تکلیف اور بے چینی کو مزید بڑھا دیتا ہے۔ گیس سے بچنے کے لیے کئی ادویات بھی خواتین استعمال کرتی ہیں لیکن چونکہ حاملہ خواتین کو ادویات زیادہ استعمال سے روکا جاتا ہے اس لیے اس مشکل کا حل اگر آپ بھی گھریلو ٹپس سے نکالیں تو یہ ماں اور بچے دونوں کی صحت کے لئے ضروری ہے۔
ماہرینِ گائناکالوجسٹ کی جانب سے بتائی گئی چند اہم ٹپس آج کے-فوڈز میں آپ بھی جانیں تاکہ اپنی اور اپنے بچے کی صحت کا خیال رکھ سکیں:

٭ سفید تِل:

سفید تل میں فیٹی ایسڈز، وٹامن اے، ای اور فائبرز کی بڑی مقدار پائی جاتی ہے جو کہ حمل کے دوران گیس کے مسئلے کو کنٹرول کرتا ہے۔ ایک چمچ آٹے کے ساتھ ایک چمچ تل کو مکس کرکے کھائیں اور فائدہ پائیں۔

٭ کیلے:

کیلے میں آئرن بڑی مقدار میں پایا جاتا ہے جو کہ حاملہ خاتون کی صحت کو بڑھانے میں اہم کام کرتا ہے۔ کیلے کو ایک چمچ دہی کے ساتھ اچھی طرح پھینٹ کر کھانے سے قبض جلدی ہی دور ہو جاتی ہے۔

٭ گڑ:

گڑ اور گھی کو مکس کرکے کھانے سے حمل کے دوران ماں اور بچے کی ہڈیاں بھی مضبوط ہوتی ہیں اور قبض کا مسئلہ بھی کنٹرول ہو جاتا ہے۔ کیونکہ گڑ میں موجود آئرن، میگنیشیم، پوٹاشیم، کیلشیم، میگنیز، زنک اور سیلینیم پیٹ میں گیس کو بننے نہیں دیتے ہیں۔