زیرہ تو ہم سب ہی کھانے میں استعمال کرتے ہیں مگر۔۔ کیا آپ زیرہ پانی کے کرشماتی فوائد جانتے ہیں؟ جانیں اس کا استعمال اور حیرت انگیز نتائج

زیرہ ہر گھر کے باورچی خانے میں لازمی موجود ہوتا ہے اور دن بھر کے کھانوں میں اس کا متعدد بار استعمال کیا جاتا ہے، لیکن اگر زیرے کا پانی پیا جائے تو اس سے آپ کو کونسے حیرت انگیز فوائد حاصل ہو سکتے ہیں یہ آج ہم آپ کو بتائیں گے۔
جو جان کر آپ بھی آج ہی سے زیرے کے پانی کا استعمال شروع کر دیں گے، تو چلیں پھر بنا دیر کئے اس تحریر کو آخر تک ملاحظہ کریں، لیکن سب سے پہلے زیرے کی خصوصیات جان لیں۔

• زیرے کی خصوصیات

زیرہ سوزش سے بچنے والے اینٹی آکسیڈینٹس سے مالا مال ہوتا ہے، اس میں اینٹی بیکٹیریل اور اینٹی سیپٹیک خصوصیات بھی موجود ہوتی ہیں، زیرہ پیٹ کے مسائل کو دور کرنے کے لئے جانا جاتا ہے، یہ ہاضمہ مضبوط بناتا ہے، قبض اور متلی کی شکایت کو دور کرتا ہے، یہ تو ہوئے زیرے کے فوائد اب زیرے کے پانی کے حیرت انگیز فوائد بھی جان لیں۔

• زیرے کے پانی کے حیرت انگیز فوائد

ماہرین کے مطابق اگر آپ اپنے دن کا آغاز زیرے کے پانی سے کریں تو آپ کی مجموعی صحت کو بہت سے فوائد حاصل ہو سکتے ہیں، زیرے کا پانی صحت کے مختلف مسائل سے نجات کے لئے استعمال کیا جا سکتا ہے، آج ہم آپ کو زیرہ پانی کے وہ حیرت انگیز فوائد بتا رہے ہیں جن کے بارے میں آپ نے شاید پہلے کبھی سُنا نہ ہو۔

• پیٹ کے مسائل سے نجات

زیرے کا پانی معدے کی جلن، تیزابیت، پیٹ درد اور بدہضمی دور کرنے میں مددگار ثابت ہوتا ہے، زیرے کا پانی ہماری آنتوں کو صاف کرتا ہے زیرہ میں ایسے مرکبات ہوتے ہیں جو جگر کی صحت کو فروغ دیتے ہیں، جبکہ یہ کینسر جیسے مرض سے بچنے کے لئے بھی مفید ہے۔

• قوتِ مدافعت میں اضافہ

زیرے میں آئرن اور غذائی ریشے کی بھرپور مقدار موجود ہوتی ہے اس کے مستقل استعمال سے آپ کہ قوتِ مدافعت میں اضافہ ہوتا ہے اس کا پانی بیماریوں سے لڑنے اور آپ کو بیماریوں سے دور رکھنے میں اہم کردار ادا کرتا ہے اور آپ کی قوتِ مدافعت کو بتدریج بڑھاتا ہے۔

• بلڈ پریشر کنٹرول

زیرے کے پانی کے استعمال سے بلڈ پریشر منظم رہتا ہے یہ نمک کے منفی اثرات کو متوازن کرکے بلڈ پریشر اور تیل کے منفی اثرات کو کم کرکے کولیسٹرول کو متوازن رکھتا ہے زیرہ کے پانی میں پوٹاشیم کی بھرپور مقدار موجود ہوتی ہے جو آپ کو بھرپور غذائیت اور طاقت فراہم کرتا ہے۔

• ایکنی کا علاج

زیرے کا پانی ایکنی جیسے مسائل سے چھٹکارا حاصل کرنے کا ایک بہت اچھا ذریعہ ہے کیونکہ یہ فطرت میں اینٹی بیکٹیریل ہے۔ زیرے کی اینٹی بیکٹیریل خصوصیات کی وجہ سے آپ کی جِلد کو چمکتے رہنے میں مدد ملتی ہے۔

• زیرے کا پانی بنانے کا طریقہ

ایک گلاس پانی میں ایک چمچ زیرہ ڈال کر اُسے ہلکی آنچ پر رکھ دیں جب پانی میں اُبال آجائے تو چولہے سے اُتار لیں اور ہلکا ٹھنڈا کرکے پی لیں، اس سے وزن کم ہوگا جسم کی اضافی چربی گھلے گی اور پیٹ کے مسائل سے نجات ملے گی۔