میری جلد بہت خراب ہوگئی تھی تو.. ربیکا خان نے منگنی سے پہلے کون سا فیشل کروایا تھا جو چہرہ چمک اٹھا؟ دیکھیں ویڈیو

نٹ کھٹ اور خوبصورت سی ٹک ٹاکر ربیکا خان آج کل اپنی شادی کی تقریبات میں مصروف ہیں. گزشتہ ہفتے ان کی بات پکی کی رسم میں مداح ربیکا کا بے داغ، چمکتا دمکتا چہرہ دیکھ کر حیران رہ گئے. البتہ اس خوبصورتی کا ایک راز رسم سے کچھ دن پہلے ربیکا خان کا کروایا گیا خاص فیشل ہے. یہ فیشل کیسے کیا جاتا ہے اور اس میں کتنا وقت لگتا ہے؟ یہ تمام باتیں ہم آپ کو بتائیں گے آج کے اس آرٹیکل میں.

ربیکا خان نے اپنی بات پکی کی رسم سے چند دن پہلے ہی ڈاکٹر شائستہ لودھی کے ایستھیٹک کلینک سے گلاس اسکن فیشل کروایا ہے جس کی ویڈیو بھی آفیشل پیج نے شئیر کی ہے.

ویڈیو میں ربیکا خان بتا رہی ہیں کہ ان کی جلد کافی خراب ہورہی تھی جس کے بعد وہ ڈاکٹر شائستہ کے کلینک آئیں اور وہاں انھیں گلاس اسکن فیشل تجویز کیا گیا. ربیکا خان کا کہنا تھا کہ اس فیشل کو کروانے میں 2 گھنٹے کا وقت لگا اور ان کی اسکن بہت نرم، صاف اور چمکدار ہوگئی ہے. ربیکا اس فیشل کے بعد کتنی حسین لگ رہی تھیں اس کا ثبوت تو ان کی شادی کی تقریبات میں دیکھا جا ہی سکتا ہے.

جہاں تک گلاس اسکن فیشل کا تعلق ہے تو اس میں سب سے پہلے ماہر جلد سے مشورہ کیا جاتا ہے. فیشل شروع ہوتے ہی معیاری کلینزر سے چہرہ صاف کیا جاتا ہے. جلد کے مردہ خلیوں کو ہٹانے کے لیے ایکسفولینٹ کیا جاتا ہے. جس کے نعد جلد کے پی ایچ کو متوازن کرنے کے لئے ٹونر لگایا جاتا ہے. جلد سے جھریوں، سیاہ دھبوں، یا پانی کی کمی دور کرنے کے لیے بہترین سیرم لگایا جاتا ہے اور اس کے بعد ماسک لگایا جاتا ہے.

گلاس اسکن فیشل میں ضرورت کے تحت مائیکرو نیڈنگ، ایل ای ڈی لائٹ تھراپی، یا ریڈیو فریکونسی جیسی تھیراپیز بھی شامل کی جاسکتی ہیں جس کا فیصلہ ماہر جلد ہی کرتے ہیں. فیشل کے بعد جلد کو نمی پہنچانے اور اس کی حفاظت کے لیے موئسچرائزر لگایا جاتا ہے اور سب سے آخر میں سن بلاک لگایا جاتا ہے.

گلاس اسکن فیشل کے فوائد پر بات کریں تو یہ جلد کو دیرپا ہائیڈریشن فراہم کرنے کے علاوہ پورز کو کم کرتا ہے، جلد کی ساخت کو بہتر بناتا ہے اور جلد کو ہموار کرتا ہے. کولیجن کی پیداوار کو بڑھاتا ہے جس سے باریک لکیروں اور جھریوں کا خاتمہ ہوتا ہے اور رنگت نکھر جاتی ہے. جلد سے سیاہ دھبے ختم کر کے لٹکی ہوئی جلد کو ٹائٹ کرتا ہے جس سے بڑھاپا، جوانی میں بدلا محسوس ہوتا ہے.

ڈاکٹر شائستہ کے کلینک پر اس فیشل کی قیمت 25 ہزاد روپے ہے. البتہ دیگر پارلرز پر مختلف قیمت میں ہوتا ہے لیکن یہ لازمی ہے کہ فیشل کسی ماہر جلد کی نگرانی میں کروایا جائے.