خالی پیٹ شہد کھا ئیں۔۔ اس کے نتائج آپ کوبھی حیران کردیں گے

شہد کا استعمال سنت ہے۔ اس کے فائدے ہم نہ بھی جانتے ہوں تو اس کا استعمال ہمارے لئے باعثِ برکت ہے۔ شہد کی خصوصیات، اس کی غذائیت اس کو مکمل غذا قرار دیتی ہیں۔ ویسے تو شہد کو جس وقت بھی کھائیں یہ آپ کو فائدہ پہنچاتا ہے لیکن کیا آپ جانتے ہیں کہ اس کو خالی پیٹ کھانا آپ کو کتنے فائدے پہنچا سکتا ہے۔ اس میں موجود وٹامن سی، وٹامن بی 6، کاربوہائیڈریٹس، امائنو ایسڈزآپ کے جسم میں حیرت انگیز تبدیلیاں لاتے ہیں ، اس کی اینٹی بیکٹیریل اور اینٹی فنگل پروپرٹیزآپ کو مختلف قسم کے انفیکشن اور بیماریوں سے بچاتی ہیں۔ اگر آپ شہد کو صبح نہار منہ گرم پانی کے ساتھ کھائیں یا اس میں ملا کر پئیں تو اس سے آپ کا وزن بھی کم ہو گا اور ڈپریشن سے بھی نجات ملے گی۔

وزن میں کمی:

دبلے پتلے اسمارٹ، اور چاق و چوبند لوگ سب کو ہی اچھے لگتے ہیں، لیکن یہ اسمارٹ نیس لانا کوئی آسان کام نہیں۔ لوگ اس کے لئے مہینوں ڈائٹ کرتے ہیں، جم جاتے ہیں تب کہیں جاکر مطلوبہ نتائج حاصل ہوتے ہیں۔ لیکن اگر آپ وزن میں کمی لانا چاہتے ہیں تو اس کا ایک آسان طریقہ یہ ہے کہ آپ صبح نہار منہ شہد اور گرم پانی کا استعمال کریں۔ یہ جسم کی اضافی چربی کو گھلا نے اور آپ کے جسم سے فاسد مادوں کو باہر نکلنے میں مدد دیتا ہے۔

گلے کی خراش اور کھانسی:

شہد کا نہار منہ استعمال گلے کی خراش اور کھانسی میں مفید ہے۔ اس کی اینٹی بیکٹیریل خصوصیات سینے سے بلغم ختم کرتی ہیں ، سینے کو گرم رکھتی ہیں اور اگر اس کو ہلکا سا گرم کر کے کھایا جائے تو کھانسی کا فوری علاج بھی ہے۔

قوتِ مدافعت بڑھائے:

اس میں موجود اینٹی آکسیڈنٹ آپ کی قوتِ مدافعت کو بڑھا دیتے ہیں اگر اصلی شہد کا باقاعدہ اپنے کھانوں میں استعمال رکھا جائے تو یہ جسم سے بیماریوں کا خاتمہ کردے گا۔ اس کو نہار منہ کھانا آپ کے امیون سسٹم کو قوی بناتا ہے اور بیماری اور انفیکشن سے دور رکھنے میں مدد کرتا ہے۔

ایکنی پمپلز کا خاتمہ:

جوانی کی دہلیز پر قدم رکھتے لڑکے اور لڑکیوں کے چہروں پر اکثر داغ دھبے، ایکنی اور پمپلز پیدا ہو جاتے ہیں جو کہ جسم میں ہارمونل سسٹم میں تبدیلی کی وجہ سے نکلتے ہیں۔ یا پھر ایسے لوگ جو چٹپٹے کھانوں یا بازاری کھانوں کے شوقین ہوتے ہیں، ان کو بھی ان مسائل کا سامنا کرنا پڑتا ہے۔ شہد میں موجود غذائی اجزاء آپ کو ان مسائل سے نجات دلانے میں اہم کردار اداکرتے ہیں۔