زندگی کا سب سے بڑا تحفہ مل گیا۔۔ 3 ماہ سے شاہ رخ خان کے گھر کے باہر کھڑے مداح کی یہ خواہش کیسے پوری ہوئی؟

حال ہی میں بالی ووڈ کنگ شاہ رخ خان نے اپنی 59ویں سالگرہ گھر والوں اور قریبی دوستوں کے ساتھ منائی۔ چونکہ سیکیورٹی مسائل کی وجہ سے اس دفعہ وہ اپنے فیز سے بالکونی میں آ کر مل نہیں پائے تو ان کے مداح مایوس ہو کر واپس چلے گئے تھے۔

لیکن ان میں ایک مداح ایسا تھا جو صرف سالگرہ کے موقع پر اپنے سپر اسٹار سے ملنے نہیں آیا تھا بلکہ تقریباً 3 ماہ سے زیادہ عرصہ ان کے گھر کے باہر کھڑا ان سے ملاقات کا منتظر تھا۔

شاہ رخ خان کا ہی ڈائیلاگ ہے کہ اگر کسی چیز کو شدت سے چاہو تو پوری کائنات آپ کو اس سے ملانے کی سازش میں لگ جاتی ہے! تو بس یہاں بھی کچھ ایسا ہی ہوا۔

بھارتی میڈیا کے مطابق، جھاڑکھنڈ سے تعلق رکھنے والا یہ پرستار جس کا نام شیر محمد ہے، 95 دنوں سے شاہ رخ خان کی رہائش گاہ منت کے باہر ان سے ملنے کی امید لیئے کھڑا تھا اور بلآخر کنگ خان سے اسکی ملاقات ہوگئی۔

شیر محمد کو نہ صرف ملنے کا موقع ملا بلکہ شاہ رخ خان کی جانب سے خصوصی تحفہ بھی ملا اور انھوں نے اس پرستار سے ملاقات کرنے کے بعد ساتھ تصویر بھی بنوائی۔

رپورٹ کے مطابق شیر محمد کی پسندیدہ فلم کوئلہ ہے۔