پیشاب کی نالی کا انفیکشن، پی سی او ایس اور دل گھبراتا ہو تو۔۔ ڈاکٹر ام راحیل نے بتائے گلاب کی پتیوں اور کینو کے چھلکے سے ان مسائل کو حل کرنے کے آسان ٹوٹکے

اکثر چیزیں ہمارے سامنے موجود ہوتی ہیں مگر ہم بیکار سمجھ کر انھیں پھینک دیتے ہیں یا ان کو اس طرح استعمال نہیں کرتے کہ زیادہ سے زیادہ فائدہ اٹھایا جاسکے۔ ڈاکٹر ام راحیل نے اپنے نئے وی لاگ میں ایسی ہی چند چیزوں کے بارے میں بتایا ہے جو آج ہم اپنے پڑھنے والوں کی دلچسپی کے لئے یہاں شئیر کررہے ہیں۔

گلاب کی پتیوں کا پانی بنانے کا طریقہ اور ان کے فائدے

کوشش کریں کہ دیسی گلاب کی پتیاں مل جائیں اور اگر وہ نہ ہوں تو عام گلاب کی پتیاں الگ کرلیں اور ایک گلاس پانی کو ابالیں اس میں پتیوں کو ڈال کر تھوڑی دیر پکائیں اور پھر چولہا بند کردیں۔ یہ پانی دن میں دو بار پئیں۔ یہ ان کے لئے مفید ہے جنھیں ڈائیریا ہو۔ ایسے افراد جن کو پیشاب کی نالی میں انفیکشن رہتا ہے ان کے لئے بھی یہ قہوہ فائدہ مند ہے اس کے علاوہ دل گھبرانے، پی سی او ایس کی مریض خواتین اور ڈپریشن کے مریضوں کے لئے بھی بہترین ہے جبکہ پیٹ کے مسائل کا شکار لوگ اس قہوہ میں دار چینی ملا کر کھانے کے دوران استعمال کریں۔

کینو کے چھلکے کا قہوہ

کینو کے چھلکے کو آدھا کرلیں اور اس کے چھوٹے ٹڑے کر کے ایک گلاس پانی میں ڈالیں اور لیموں کا چھلکا بھی اس پانی میں ڈال کر ابالیں اور تھوڑی دیر پکائیں۔ اس میں چاہیں تو شہد ملا لیں اور پی جائیں۔ یہ قہوہ کھانے کے بعد پینے سے پیٹ نکلنے اور وزن بڑھنے جیسے مسائل کا خاتمہ ہوجاتا ہے۔

میک اپ ریموور

اگر ان چھلکوں کو پانی کے بجائے دودھ کے ساتھ ابالا جائے اور چھان لیا جائے تو یہ بہترین کلینزر بن جاتا ہے جو داغ دھبے دور کرنے کے علاوہ میک اپ ریموور کے طور پر بھی کام کرتا ہے۔