شادی کے 3 سال بعد بیوہ ہوگئی تھی۔۔ ڈاکٹر نبیہہ کے منگیتر کون ہیں اور کیا کام کرتے ہیں؟

Who Is Dr Nabiha Ali Khan Marrying

"میں ہمیشہ اپنی زندگی میں ایک مرد کی کمی محسوس کرتی رہی ہوں۔ میرے والد اس وقت انتقال کر گئے تھے جب میں دوسری جماعت میں تھی، میرا کوئی بڑا بھائی نہیں تھا، اور شادی کے صرف تین سال بعد میرے شوہر بھی چل بسے۔ شاید اسی لیے میں ہمیشہ ایک ایسے ساتھی کی خواہش رکھتی تھی جو میرا سہارا بنے۔ اب میں دوبارہ شادی کا ارادہ رکھتی ہوں، لیکن یہ فیصلہ آسان نہیں کیونکہ ایک نئے مرد کی موجودگی میری زندگی کا نیا رخ طے کرے گی۔"

یہ الفاظ ڈاکٹر نبیہا علی خان کے ہیں. ایک متنازع مگر مقبول ماہرِ نفسیات، اینکر اور انفلوئنسر جنہوں نے حال ہی میں ہنیا نیازی کے شو میں اپنی شادی کے منصوبوں پر کھل کر بات کی۔

ڈاکٹر نبیہا، جو اکثر خواتین پر تنقید اور مردوں کے حقوق کی حمایت کے باعث سوشل میڈیا پر موضوعِ بحث رہتی ہیں، نے اس بار اپنی ذاتی زندگی کا وہ پہلو سامنے رکھا جس نے مداحوں کو چونکا دیا۔ انہوں نے بتایا کہ وہ ایک نئے رشتے کے بارے میں سنجیدگی سے سوچ رہی ہیں اور یہ ان کے لیے ایک جذباتی مگر پُرعزم فیصلہ ہے۔

دلچسپ بات یہ ہے کہ ڈاکٹر نبیہا نے ہنستے ہوئے کہا کہ "مجھے ترک مرد بہت پسند ہیں، وہ بہت خوبصورت ہوتے ہیں — اور میں شکل و صورت پر کبھی سمجھوتہ نہیں کرتی!" انہوں نے مزید بتایا کہ ان کے منگیتر کی شخصیت کسی ترک اداکار سے کم نہیں۔ "میں پچھلے چھ سال سے ان کے ساتھ ینگ میڈیا ایسوسی ایشن میں کام کر رہی ہوں، ان کا نام حارث ہے اور وہ بھی میڈیا سے تعلق رکھتے ہیں۔"

ڈاکٹر نبیہا علی خان کی اس گفتگو کے بعد سوشل میڈیا پر ان کے اور حارث کے رشتے کی خبریں جنگل کی آگ کی طرح پھیل گئیں۔ مداحوں نے مبارک باد کے پیغامات دیے، تو کچھ نے ان کے فیصلے پر حیرت کا اظہار بھی کیا۔ مگر ایک بات سب نے مانی — ڈاکٹر نبیہا ایک بار پھر خبروں میں چھا گئی ہیں، اور اس بار ان کی کہانی کچھ زیادہ ہی ذاتی ہے۔