شادی کے اگلے دن ہی بیوی کے ساتھ ڈاکٹر کے پاس جانا پڑا.. فرحان اختر کی شادی میں ایسا کیا ہوا تھا کہ ڈاکٹر بھی پریشان ہوگئے تھے؟

"مجھے یاد ہے، جب میں اور فرحان شادی کے فوراً بعد تھیراپی کے لیے پہنچے تو ہماری تھراپسٹ حیران رہ گئیں۔ انہوں نے ہم سے پوچھا، 'تم دونوں یہاں کیا کر رہے ہو؟ تمہاری شادی کو تو ابھی صرف 24 گھنٹے ہوئے ہیں!'" شیبانی ڈانڈیکر نے مسکراتے ہوئے ریا چکرورتی کے پوڈکاسٹ میں اپنی کہانی شیئر کی۔

مداحوں کو حیران کر دینے والے انکشافات کے دوران، بالی ووڈ اداکار فرحان اختر اور ان کی اہلیہ شیبانی ڈانڈیکر نے پہلی بار اپنی ذاتی زندگی اور شادی کے حوالے سے دل کھول کر بات کی۔ انہوں نے بتایا کہ شادی کے دوسرے دن ہی انہوں نے "کپل تھیراپی" کا آغاز کیا تھا، جو ان کے رشتے کا ایک اہم حصہ بن چکا ہے۔

شیبانی نے مزید بتایا، "ہماری شادی پیر کو ہوئی تھی اور بدھ کو ہماری تھیراپی کا سیشن شیڈول تھا۔ سچ بتاؤں، کبھی کبھی یہ ایسا لگتا ہے جیسے آپ جم جا رہے ہوں!"

انہوں نے مزید کہا، "کبھی ہم تھیراپی میں جا کر سوچتے ہیں کہ کچھ بات کرنے کو نہیں ہے، اور کبھی ایسا ہوتا ہے کہ اتنی ساری باتیں ہوتی ہیں کہ ایک گھنٹہ بھی کم پڑ جاتا ہے!"

اس منفرد تجربے نے انہیں اپنے رشتے میں بہتر بنانے میں مدد دی۔ شیبانی کہتی ہیں، "جیسے ہر جوڑے کے درمیان جھگڑے ہوتے ہیں، ہمارے بھی ہوتے ہیں، لیکن ہم یہ جانتے ہیں کہ بدھ کو ہمیں اپنے معالج کے سامنے پیش ہونا ہے، تو ہم کوشش کرتے ہیں کہ بات سلجھا کر جائیں۔ اور اگر کبھی ایسا نہیں ہوتا، تو ہم بدھ کا انتظار کرتے ہیں تاکہ وہاں اس پر بات ہو سکے۔"

واضح رہے کہ فرحان اختر نے اپنی پہلی بیوی ادھونا بھابانی سے طلاق کے بعد 2018 میں شیبانی ڈانڈیکر کو ڈیٹ کرنا شروع کیا تھا۔ چار سال کی ڈیٹنگ کے بعد، 19 فروری 2022 کو دونوں نے کھنڈالہ فارم ہاؤس میں ایک سول شادی کے ذریعے اپنے رشتے کو قانونی شکل دی تھی۔