ناک کی الرجی کیوں ہوتی ہے؟ جانیں ڈاکٹرز اسکی کیا وجوہات، احتیاط اور علاج بتاتے ہیں، جو آپ کے لیئے جاننے ضروری ہیں

ناک کی الرجی ایک عام مسئلہ ہے جو ہمارے یہاں پایا جاتا ہے، خاص کر ان جگہوں پر جہاں ہوائی آلودگی اور پولن بہت زیادہ ہے۔ ناک کی الرجی کی 2 اقسام ہوتی ہیں، ایک ہوتی ہے سیزنل الرجی یعنی موسمی اور دوسری ہوتی ہے پیرینیئل الرجی۔

سیزنل الرجی عام طور پر موسمی تبدیلی، دھول مٹی، پولن یا پُر آلود فضا کی وجہ سے ہوتی ہے۔ جبکہ، پیرینیئل الرجی میں لوگوں کو پورا سال یہ مسئلہ رہتا ہے اور یہ عام طور پر گھر میں پرندے یا جانور پالنے کی وجہ سے ہوتی ہے۔ اسلیئے علاج سے پہلے تشخیص ضروری ہے کہ آخر یہ کس وجہ سے ہورہی ہے۔

الرجی کا سے بچاؤ کے لیئے:

الرجی کے علاج کے لیئے سب سے زیادہ ضروری ہے احتیاط، جب آپ کو معلوم ہوجائے کہ آپ کو کس چیز سے الرجی ہے تو آپ اس سے دوری بنا لیں۔ مثال کے طور پر اگر جانور یا پرندے سے ہے تو اسے گھر سے دور کردیں، موسم کی وجہ سے ہے تو باہر ماسک پہن کر نکلیں، اور اگر پولن کی وجہ سے ہے تو کوشش کریں کہ گھر سے بلا ضرورت باہر نہ نکلیں۔

ڈاکٹر سے رجوع کریں:

احتیاط کے بعد اب آتے ہیں علاج کی طرف، سب سے پہلے ڈاکٹر سے رجوع کریں وہ آپ کو خون ٹیسٹ اور اسکن ٹیسٹ لکھ کر دے گا، جس کے بعد آپ کو علم ہو جائے گا کہ آپ کی الرجی کس لیول کی ہے۔ پھر ڈاکٹر کی بتائی ہوئی ہدایات پر عمل کریں اور دوائیوں کے ذریعہ علاج کو پورا کریں۔

گھریلو علاج:

آپ اسٹیم لیں
قہوہ بنا کر پیئیں
سلائن نسل اسپرے یا موئسچرائزر آتا ہے آپ اس کا استعمال بھی کرسکتے ہیں

نوٹ:

الرجی سے متاثرہ افراد کے لیئے یہ بات جاننی بہت ضروری ہے کہ الرجی کا کوئی مکمل علاج نہیں ہوتا ہے، پر اسکو کنٹرول ضرور کیا جاسکتا ہے۔