شوہر کو کتا بننے کا شوق تھا، اہلیہ نے کیسے شوہر کو سبق سکھایا؟ آپ بھی دیکھیں

اس دنیا میں انسان کچھ ایسا ضرور کرتا ہے، جو کہ اسے سب میں منفرد ضرور بنا دیتا ہے، اب وہ منفی طور پر بھی ہو سکتا ہے اور مثبت طور پر بھی۔
کے فوڈز ڈاٹ کام کی اس خبر میں آپ کو ایک ایسے ہی شخص کے بارے میں بتائیں گے۔

یورپ سے تعلق رکھنے والے ٹام نے اس وقت سب کی توجہ حاصل کی جب وہ اپنی شادی شدہ زندگی میں بیوی کو چھوڑ کر کتا بن گیا، لوگ مذہبی راہ اختیار کرتے ہیں، تو کوئی سماج کے لیے خود کو وقف کر دیتا ہے۔

لیکن یہاں تو گنگا ہی الٹی بہہ رہی ہے، 32 سالہ ٹام نے کتا بن کر زندگی جینے کا فیصلہ کر لیا، اس فیصلے نے اگرچہ اہلیہ کو خوب حیران کیا مگر اسے لگا کہ یہ فیصلہ محض گھر کی حد تک ہی ہوگا، وہ اس لیے خوش تھی کہ چلو شوہر گھر میں رہ کر جو کرنا چاہے، کرلے۔

لیکن صورتحال اس وقت بگڑ گئی جب شوہر نے کتا بن کر عوامی مقامات پر نکلنا شروع کیا اور خود بھی کتے کی طرح برتاؤ کرنا شروع کیا۔

اہلیہ کو آئی شرمندگی اور یوں ہو گئی دونوں میں علیحدگی، دراصل ٹام اور اس کی اہلیہ کا ایک کتا تھا، جس کا انتقال ہو گیا، کتے سے لگاؤ اس حد تک تھا کہ اس کی موت کے بعد دوسرا کتا پالنے کے بجائے ٹام خود ہی کتا بن گیا۔

جبکہ کتا بننے کے لیے ٹام نے 3 ہزار یورو جو کہ پاکستانی 7 لاکھ سے زائد کی رقم بنتی ہے، اب تک خرچ کر چکے ہیں۔ اس سب میں اب ان کی اہلیہ بھی اب شوہر کو کچھ حد تک سپورٹ کر رہی ہیں، مگر اب اہلیہ کے طور پر نہیں بلکہ ایک دوست کے طور پر۔