بہت ساری اداکاراؤں کو پسند کرتا تھا اور.. 2 پوتیوں کے دادا بن جانے والے بہروز سبزواری کے نجی زندگی سے متعلق انکشافات

"جوانی میں جو اداکارائیں پسند تھیں یا جن ٹی وی اداکاراؤں پر میں فدا تھا ان میں سے زیادہ تر خواتین نے ڈراموں میں میری ماں کا کردار ادا کیا۔

میں لڑکپن سے جوانی میں داخل ہو رہا تھا جب ڈرامہ خدا کی بستی میں کام ملا. اس وقت میں بہت سی اداکاروں پر فدا تھا اور کئی اداکارائیں میرا ’کرش‘ تھیں. البتہ کبھی کسی اداکارہ کو اس بات کا احساس نہیں ہونے دیا کہ میں انہیں پسند کرتا ہوں. ان میں سے بہت سی خواتین نے تو میری ماں کا کردار بھی ادا کیا"

یہ کہنا ہے بہروز سبزواری کا جنھوں نے حال ہی میں کامیڈی شو ’مذاق رات‘ میں شرکت کی اور اپنی نجی زندگی اور ماضی کے متعلق دلچسپ باتیں بتائیں.

بہروز سبزواری نے محبت کے متعلق بتایا کہ نہ تو انہیں کسی سے یک طرفہ محبت ہوئی اور نہ ہی ان سے کسی کو محبت ہوئی. اگر کسی نے ان سے محبت کی بھی تو اس بات کا احساس نہیں ہونے دیا.

بہروز سبزواری کا کہنا تھا کہ بڑھاپے میں پوتے اور پوتیاں ملٹی وٹامنز کا کام کرتے ہیں اور ان کے لیے بیٹے شہروز سبزواری کی دونوں بیٹیاں ملٹی وٹامنز ہیں. انھوں نے کہا میں خدا کا شکر ادا کرتا ہوں کہ مجھے بڑھاپے میں پوتیوں کی خوشی نصیب ہوئی اور میں ایک خوشحال زندگی گزار رہا ہوں.