موت کا پہلے سے پتہ چلا تو کلمہ شہادت پڑھا ۔۔ کینسر نے مشہور کاروباری شخصیت کو کس طرح اپنے رب کے قریب کر دیا؟ دیکھیے

انسان کی زندگی میں کب کیا ہو جائے، کسی کو کچھ معلوم نہیں، وہ اپنی زندگی میں عیش و آرام کو فوقیت دیتا ہے، اس سب میں یہ بھول جاتا ہے کہ اسے اس دنیا سے بھی جانا ہے۔

آج آپ کو ایک ایسے ہی کاروباری شخصیت کے بارے میں بتائیں گے جسے اپنی موت کا پہلے سے ہی پتہ چل گیا۔علی بنات نامی سماجی کارکن اس وقت سوشل میڈیا پر وائرل ہو گئے تھے جب انہوں نے ایک پیغام جاری کیا جس میں شکر ادا کر رہے تھے کہ میرا انتقال ہو گیا ہے۔

دراصل علی بنات فلسطینی نژاد آسٹریلوی کاروباری شخصیت تھے، جو کہ سیکیورٹی اور الیکٹرک کمپنی کے مالک تھے، مگر 2015 میں ہونے والی کینسر کی تشخیص نے ان کی زندگی بدل دی تھی۔

علی بنات سماجی کاموں میں بڑھ چڑھ کر حصہ لیا کرتے تھے ان کے اس انسانیت دوست رویے نے ہر ایک کو متاثر کیا تھا۔ چاہے کالا ہو گورا، عربی ہو یا عجمی۔ انہوں نے ہر ایک کو ایک نگاہ سے دیکھا اور دل میں ان کے لیے اچھا سوچا۔

علی بنات کی جانب سے اپنے آخری پیغام میں بھی کچھ ایسی ہی باتیں کی گئی تھیں جو کہ کسی کو بھی جذباتی کر دیں گی۔ علی نے کہ ہم اپنی خواہشات کو پورا کرنے کے لیے اللہ کی ہدایت کو بھول چکے ہیں۔ وہ کہتے ہیں کہ بہت کم لوگوں کو یہ موقع ملتا ہے کہ انہیں پتہ ہو، کہ اب وہ اس دنیا سے جانے والے ہیں۔

علی کا کہنا تھا کہ ایک ہر لمحہ زندگی تبدیل ہو رہی ہے، جس طرح زندگی چل رہی ہے اس میں ہم اپنی خواہشات کے پیچھے بھاگ رہے ہیں۔

لیکن وہ اس لیے سب سے زیادہ مقبول ہوئے تھے کہ انہوں نے اپنی ویڈیو کی شروعات میں کہا تھا کہ الحمداللہ میرا انتقال ہو گیا ہے۔ وہ آگے کے معاملات کو قبول کر چکے تھے اور تیاری کر رہے تھے۔