میں چوتھی بیوی بننا چاہتی ہوں، اور اسکی ۔۔ مارننگ شو کی میزبان سوہا افضل نے چار شادیوں کی حمایت کرتے ہوئے کیا بیان دے دیا؟

سوہا افضل ایک خوبصورت اور باصلاحیت پاکستانی ٹیلی ویژن میزبان اور سوشل میڈیا انفلوئنزر ہیں۔ فی الحال، وہ پبلک ٹی وی پر ہرمیت سنگھ کے ساتھ "گڈ مارننگ پبلک" شو کی میزبانی کر رہی ہیں۔ وہ اپنے سوشل میڈیا پر بھی کافی ایکٹو رہتی ہیں۔

حال ہی میں، وہ ٹاک شو "پبلک ڈیمانڈ" میں نظر آئیں۔ شو میں انہوں نے اعتراف کیا کہ، وہ مردوں کی چار شادیوں کی حمایت کرتی ہیں اور ساتھ ہی چار شادیوں کی وجہ بھی بتا دی۔

اسلام میں مردوں کی ایک سے زیادہ شادیوں پر بات کرتے ہوئے سوہا افضل نے کہا کہ، "میں کیا چاہتی ہوں؟ میں کسی کی چوتھی بیوی بننا چاہتی ہوں۔ اسکی میں دو وجوہات بتاؤں گی، میں آپ کو مذہبی تشریح نہیں دوں گی۔۔ ویسے ہماری جڑیں برصغیر سے جڑی ہیں جہاں عورتیں شوہر کی دوسری بیوی کو برداشت نہیں کر سکتیں اور ہم ان کی نقل کرتے ہیں۔ اب ہماری عورتیں بھی اپنے شوہر کی دوسری بیویوں کو برداشت نہیں کرتیں۔ دوسری بات یہ کہ اللہ ہم سے ستر ماؤں سے زیادہ پیار کرتا ہے اور وہ ہم پر ایسا بوجھ نہیں ڈالتا جو ہم برداشت نہیں کر سکتے، اسی لیئے اس بات کی اجازت دی گئی ہے کیونکہ یہ قابل برداشت ہے۔ لہذا، میں چار شادیاں کرنے والے مردوں کی حمایت کرتی ہوں۔"