بڑا سا سوئمنگ پول اور لاکھوں کی سجاوٹ.. ثانیہ مرزا کا محل نما گھر اندر سے کیا ہے؟ ویڈیو دیکھیں

ثانیہ مرزا نے شعیب ملک سے علیحدگی کے بعد جس طرح خاموشی اختیار کی اور ساری توجہ اپنے بیٹے پر مرکوز کی ہے اس رویے نے بہت سے پاکستانیوں کا دل ہمیشہ کے لئے جیت لیا ہے. بھارتی ٹینس اسٹار اپنے کھیل میں تو خود کو منوا ہی چکی ہیں البتہ بہت کم لوگ جانتے ہیں کہ وہ انٹیرئیر ڈیزائنر بھی ہیں اور اپنے گھر کا ایک ایک کونا انھوں نے بہت محبت سے خود سجایا ہے.

حال ہی میں ثانیہ نے گھر کی خوبصورت ویڈیو شئیر کی. یہ محل نما بنگلہ دبئی میں موجود ہے. وسیع و عریض رقبے پر پھیلے اس گھر کے بیرونی حصے میں سوئمنگ پول، لان اور پلے ایریا بھی ہے جہاں مختلف جھولے رکھے ہوئے ہیں.

ثانیہ کے گھر کے اندر داخل ہوتے ہی بہت عالیشان لاؤنج ہے جہاں قیمتی فانوس روشنیاں بکھیر رہے ہیں جبکہ نیچے دبیز قالین اور رگ سے سجاوٹ کی گئی ہے.

گھر کا ڈرائینگ روم ڈل گولڈ اور ہلکے گلابی رنگ سے سجایا گیا ہے. ثانیہ کہتی ہیں "میرے بیٹے اذہان کو نیلا رنگ بہت پسند ہے اس لیے اس کا کمرہ نیلے اور سرمئی رنگ سے سجایا ہے"

گھر میں ایک بہت بڑا کمرہ ثانیہ کے تیار ہونے کے لئے مختص کیا گیا ہے جہاں ہر جانب الماریاں ہیں. شو ریکس میں ہزاروں کی تعداد میں اسٹائلش جوتے ہیں جبکہ کئی برانڈز کے میک اپ اور کیپس بھی موجود ہیں.

ایک کمرہ عبادت اور نماز کے لئے بنایا گیا ہے جہاں کی سجاوٹ ہلکے فیروزی اور کریم کلر کے کامبینیشن سے کی گئی ہے. اس کمرے کے متعلق ثانیہ کا کہنا ہے کہ جب وہ مایوس ہوتی ہیں تو یہاں آ کر عبادت کرتی ہیں.