شکر ہے پاگل اور موٹے آدمی سے شادی نہیں ہوئی.. دلہن بننے کی شوقین ہونے کے باوجود مشی خان شادی کیوں نہیں کررہیں؟

"آج کل لوگ بچے پیدا کرنے کے لیے شادی کرتے ہیں لیکن میں تو خود ایک بچی ہوں مجھے شادی نہ کرنے پر کوئی افسوس نہیں ہے"

یہ کہنا ہے ماضی کی نامور اداکارہ مشی خان کا جن کے انٹرویو کی ایک کلپ اس وقت سوشل میڈیا پر وائرل ہے.

50 برس کی مشی خان کا کہنا ہے کہ اکیلے زندگی گزارنا اتنا آسان نہیں ہے، ایسے بہت سے لوگ ہیں جو انہیں بغیر شادی شدہ دیکھ کر فکر مند ہوتے ہیں لیکن خدا نے تمام مخلوق کو صرف ایک کام کے لیے پیدا نہیں کیا، شاید میری زندگی کا مقصد بالکل مختلف ہے۔

مشی خان نے اپنے بچپن کے حوالے سے بات کرتے ہوئے بتایا کہ "میں بچپن سے ایک ایسی بچی تھی جو صرف اپنے کام میں مصروف رہتی تھی، رات کو 2 بچے اچانک اپنے پالتو کتے کو کھانا دینے کا سوچتی، ’اب جب ایسے میں آپ کسی کے ساتھ ہوں گے تو ظاہر ہے لڑائیاں تو ہوں گی‘۔

مشی خان کا کہنا تھا کہ میری زندگی کا مقصد صرف شادی کرنا نہیں ہے، لوگ بچے پیدا کرنے کے لیے شادی کرتے ہیں لیکن اگر آپ خود ایک بچہ ہیں تو آپ مزید بچوں کو لاکر کیا کریں گے. مجھے شادی نہ کرنے پر کوئی افسوس نہیں ہے اور اللہ کا شکر ادا کرتی ہوں کہ جس سے شادی کرنے والی تھی آج اس شخص کو دیکھتی ہوں تو شکر ادا کرتی ہوں کہ اللہ نے مجھے پاگل اور موٹے لوگوں سے بچا لیا. مجھے 16،17 سال کی عمر میں شادی کرنے کا بڑا شوق تھا اور اس شوق کی وجہ صرف نئے کپڑے اور مختلف قسم کے پکوان تھے.

شادی شدہ میاں بیوی میں کسی ایک میں صبر ہونا چاہیے، کچھ لوگ کڑوروں روپے اپنی شادیوں میں خرچ کرتے ہیں لیکن کچھ مہینے بعد ہی ان کی علیحدگی ہوجاتی ہے اس کے علاوہ زندگی کے ہر لمحے کو سوشل میڈیا پر پوسٹ نہیں کرنا چاہیے خاص طور پر اپنے بچوں کی تصاویر اور ویڈیو پوسٹ نہیں کرنی چاہیے کیونکہ نظر لگ جاتی ہے. بھارتی اداکار اپنی شادی اور بچوں کی تصاویر ہر وقت سوشل میڈیا پر پوسٹ نہیں کرتے جبکہ پاکستانی اداکاروں کو ہی ہر چیز دکھانے کی عادت اور شوق ہے.