ایک دن اچانک بے ہوش ہوگئی تھی اور.. ذہنی امراض کا شکار لوگوں کو کون سی ایک چیز کھانی چاہیے؟ ماہرین کا نیا انکشاف

"فون پر ماں سے بات کرتے ہوئے رونے لگی. ایک بار بے ہوش ہوگئی تھی. کچھ بھی اچھا نہیں لگتا تھا. ماں نے ایک ماہر نفسیات سے بات کی اور پھر میں 2 ماہ کے لئے چھٹی پر چلی گئی. واپس لوٹنے پر پتا چلا کہ ذہنی تناؤ کی وجہ سے ایک دوست نے خودکشی کر لی ہے. ڈپریشن جان لے سکتا ہے"

یہ کہنا ہے معروف اداکارہ دیپیکا پڈوکون کا جو ماضی میں شدید ذہنی تناؤ کا شکار رہی ہیں اور اب مختلف کیمپینز چلا کر اس حوالے سے لوگوں میں شعور اجاگر کرتی ہیں.

ڈپریشن آج کے دور کا اہم مسئلہ ہے جس سے تقریباً ہر شخص ہی زندگی کے کسی نہ کسی حصے میں متاثر ہوتا ہے. البتہ باقاعدہ علاج کے علاوہ طرز زندگی میں تبدیلی بھی اس بیماری سے نمٹنے میں مدد کرتی ہے.

امریکہ کی یونیورسٹی آف ورجینیا اسکول آف میڈیسن کی تحقیق میں یہ انکشاف کیا گیا ہے کہ دہی اور خمیر والی غذاؤں میں Lactobacillus نامی بیکٹیریا پایا جاتا ہے جو ڈپریشن اور انزائٹی جیسے ذہنی امراض سے بچنے میں مدد فراہم کرتا ہے.

لہذا ایسے افراد جو ڈپریشن کا شکار ہیں یا پھر صحت مند افراد جو ذہنی امراض سے محفوظ رہنا چاہتے ہیں وہ کھانے میں دہی کا اضافہ ضرور کریں.