رات بھر بھیگے ہوئے میتھی دانے کو چبانے سے کیا ہوتا ہے۔۔ عام سے میتھی دانے میں غذائیت کے کون سے راز چھپے ہیں؟ جان کر آپ بھی کھانا شروع کردیں گے

میتھی دانے کا شمار ان مصالحوں میں ہوتا ہے جو صرف ذائقے میں نہیں بلکہ طبی اعتبار سے بھی فائدہ مند ہوتے ہیں۔ اب تک ہم نے آپ کو میتھی دانے کے سردیوں میں استعمال کے کئی فائدے بتائے مگر اب چونکہ موسم بدل رہا ہے تو ہم اس کے وہ فائدے بھی بتائیں گے جنھیں آپ اس موسم کی مناسبت سے استعمال کرسکیں۔

میتھی دانے کی غذائی اہمیت

میتھی دانہ میں ریشہ، پروٹین، کاربوہائیڈریٹ، آئرن، میگنیز اور میگنیشم کے علاوہ نیوٹرا سیوٹیکل بھی پایا جاتا ہے۔ اس کے علاوہ اس میں وٹامن اے، وٹامن بی 2، وٹامن سی، نکوٹنک ایسڈ اور نیاسن بھی موجود ہوتا ہے۔

میتھی دانے کے فائدے

جن لوگوں کو الجی کی شکایت رہتی ہے انھیں چاہیے کہ ایک گلاس پانی میں ایک چمچ میتھی دانہ ڈال کر ابالیں اور تھوڑی دیر پکا کر اس میں لیموں کا عرق اور شہد ملا کر 20 روز تک نہار منہ پئیں۔ اس سے ناک اور گلے کی حساسیت کم ہوجائے گی۔

ایک چمچ میتھی دانہ ایک گلاس پانی میں بھگو دیں اور صبح اٹھ کر نہار منہ پانی پی لیں اور دانے چبا کر کھائیں۔ اس سے پیٹ کی چربی تیزی سے پگھلے گی۔ یہ خون میں شوگر کی سطح کم کرتے ہیں اور نظام ہاضمہ تیز کرتے ہیں۔

میتھی دانے کا پانی بنا کر روئی کی مدد سے چہرے پر لگانے سے ایکنی اور دانوں سے نجات ملتی ہے۔ میتھی دانہ جراثیم کش ہوتا ہے۔ انفیکشن دور کرنے کے علاوہ چکنائی بھی جذب کرتا ہے جس سے دانے کم ہونے لگتے ہیں۔

جو تیل آپ سر میں لگاتے ہیں اس میں ایک چمچ ثابت میتھی دانہ ڈال دیں اور پڑا رہنے دیں۔ اس تیل کا استعمال بالوں کو خوبصورت اور مضبوطی دے گا۔ بال جھڑنا بند ہوجائیں گے اور سیاہ بھی ہوجائیں گے۔

میتھی دانہ خاص طور پر خواتین کے لئے فائدہ مند ہے۔ اس سے ماہواری کے درد میں آرام ملتا ہے اس کے علاوہ دودھ پلانے والی ماؤں کے لئے مفید ہے۔ میتھی دانے کے استعمال سے جوڑوں کا درد بھی کم ہوجاتا ہے۔