چھوٹی مکھیاں ٹوکری میں رکھے سارے پھل خراب دیتی ہیں۔۔ جانیں ان مکھیوں سے نمٹنے کی وہ مفید ٹپس، جو پھلوں کو خراب ہونے سے بچائے

کبھی بڑی مکھیاں گھروں میں گھس کر جینا حرام کرتی ہیں تو کبھی چھوٹی مکھیاں پھل اور سبزیوں کو خراب کرتی ہیں، جو کسی بھی گھر یا باورچی خانے میں پریشانی کا باعث بنتی ہیں۔ یہ چھوٹے کیڑے پکنے والے پھلوں، سبزیوں اور گیلے کوڑے کی طرف راغب ہوتے ہیں، اور تیزی سے بڑھتے ہیں۔ یہ آپ کے پھلوں کو

خراب کرنے کے ساتھ ساتھ جراثیم بھی پھیلاتی ہیں۔

لیکن خوش قسمتی سے، پھلوں کی مکھیوں سے چھٹکارا حاصل کرنے کے لیے آپ کئی طریقے استعمال کر سکتے ہیں۔ سادہ گھریلو پھندوں سے لے کر قدرتی اجزاء سے انہیں بھگانے تک، یہ حل آپ کو ان پریشان کن کیڑوں کو ختم کرنے اور انہیں واپس آنے سے روکنے میں مدد دے سکتے ہیں۔

پھل کی مکھیاں بھگانے کی ٹپس:

سیب کے سرکے کا جال:

ایک کانچ کے جار یا پیالے کو سیب کے سرکے سے تھوڑا بھریں اور ڈش لیکویڈ کے چند قطرے ڈالیں۔ اسکے بعد کانچ کے جار کو پلاسٹک سے لپیٹ کر ڈھانپ دیں اور ٹوتھ پک کی مدد سے اوپر کچھ سوراخ کریں اور کچن یا ٹیبل پر رکھ دیں۔ اس سے پھل کی مکھیاں سرکہ کی طرف متوجہ ہوں گی اور مرکب میں ڈوب جائیں گی۔ اسکے علاوہ آپ کانچ کے جار میں ڈش واشر کی جگہ پکے ہوئے پھل کا ایک ٹکڑا بھی سرکے ساتھ ڈال سکتے ہیں۔

ڈش صابن اور پانی:/h2>

ایک سپرے بوتل میں ڈش صابن کے چند قطرے پانی میں ملا کر فروٹ فلائیز پر اسپرے کریں۔ صابن ان کے پروں کو پھنسائے گا اور وہ پانی میں گر کر ڈوب جائیں گے۔

ایزینشل آئل کا اسپرے:

ایزینشل آئل کے چند قطرے جیسے لیموں یا پیپرمنٹ آئل کو اسپرے کی بوتل میں پانی میں مکس کریں اور اسے اپنے باورچی خانے کے ارد گرد چھڑکیں۔ پھل کی مکھیاں ان تیلوں کی خوشبو کو پسند نہیں کرتیں اور دور رہیں گی۔

اپنے باورچی خانے کو صاف کریں:

اپنے باورچی خانے کو صاف ستھرا رکھیں اور کسی بھی زیادہ پکے پھل، سبزی یا گیلے کوڑے سے پاک رکھیں۔ کاؤنٹر سلیب کو صاف کریں اور برتنوں کو فوری طور پر دھوئیں۔ یہ پھل کی مکھیوں کو افزائش اور آپ کے گھر پر حملہ کرنے سے روکے گا۔
یاد رکھیں، ان ٹپس کو کام کرنے میں کچھ وقت لگ سکتا ہے، لہذا صبر کریں اور اپنی کوششوں کو جاری رکھیں