شدید گرمی ہو یا معدے اور آنتوں کے مسائل۔۔ لوکی کے جوس کا استعمال کریں اور دیکھیں اس کا حیرت انگیز کمال

گرمیوں میں بہت سے پھل اور سبزیاں ہمیں قدرت کی طرف سے عطا کی گئی ہیں گرمیوں کے موسم میں لوکی کا استعمال بہت فائدے مند ہے، لوکی وٹامن سی سے بھرپور ہوتی ہے اور یہ فرحت بخش ہری سبزی گرمی کی شدت سے بھی ہمیں محفوظ رکھتی ہے۔
لیکن کیا آپ نے کبھی سوچا ہے کہ لوکی کھانے کےعلاوہ لوکی کا جوس کا استعمال کرنا آپ کے لئے کتنا فائدے مند ہے؟ چلیں آج ہم آپ کو بتاتے ہیں کہ لوکی کا جوس آپ کی صحت کے لئے کتنا مفید ہے اور آپ کو اس کا استعمال کیوں کرنا چاہیئے۔

لوکی کے جوس کے حیرت انگیز فوائد

• لوکی میں موجود غذائی اجزاء

لوکی وٹامنز اور منرلز سے بھرپور ہوتی ہے، ماہرین صحت نے لوکی کو صحت بخش غذائی اجزاء سے بھرپور قرار دیا ہے، اس کے استعمال سے کولیسٹرول لیول، شوگر لیول اور بلڈ پریشر متوازن رہتا ہے اس لئے ماہرین ہمیشہ لوکی کے استعمال پر زور دیتے ہیں لوکی کا جوس بنا کر پینے سے آپ کو وٹامن سی ، کے ، اے ، ای ، آئرن فولک ایسڈ، پوٹاشیم اور میگنیشیم کی وافر مقدار حاصل ہوتی ہے اور اس میں کیلوریز کی مقدار نہ ہونے کی وجہ سے یہ آپ کے لئے بے حد فائدے مند ہے۔

• وزن کم کرنے میں مددگار

وزن کم کرنا چاہتے ہیں تو لوکی کے جوس سے بہترین کچھ نہیں ہو سکتا، یہ ایسی سبزی ہے جس کے استعمال سے آپ کے چہرے پر ڈائٹنگ کے اثرات ظاہر نہیں ہوتے اور وزن تیزی سے کم ہو جاتا ہے کیونکہ یہ آپ کے چہرے کی ترو تازگی کو بڑھا دیتی ہے اور چہرہ مزید نکھر جاتا ہے لوکی کا جوس یا لوکی کو سلاد کے طور پر استعمال کرنے سے آپ کا وزن حیرت انگیز طور پر تیزی سے کم ہو سکتا ہے۔

• پیشاب کے انفیکشن میں مفید

اگر آپ کو یورینری ٹریک انفیکشن (یو ٹی آئی) کی شکایت ہے تو اس میں لوکی کا جوس آپ کے لئے کسی جادوئی دوا سے کم نہیں ہے دوا ضرور لیں مگر دوا کے استعمال سے پہلے لوکی کے جوس میں لیموں کا رس ملا کر پی لیں اس سے بہت راحت ملے گی اور یہ مرض جلدی ختم ہوگا۔

• معدے اور آنتوں کے لئے بہترین

گرمی کے موسم میں اکثر ہم ایسی غذاؤں کا استعمال کر لیتے ہیں جس کی وجہ سے ہمارے سینے میں جلن اور معدے کے دیگر مسائل کا سامنا رہتا ہے ایسے میں ہر کھانے کے ساتھ اگر لوکی بطور جوس، سلاد یا اس کا رائتہ بنا کر استعمال کر لیا جائے تو سینے کی جلن، تیزابیت کی شکایت دور ہوتی ہے اور یہ قبض اور ڈائریا سے نجات دلا کر آپ کا نظامِ ہاضمہ محفوظ بناتا ہے۔

• ٹھنڈک کا احساس اور گرمی کے اثرات سے بچاؤ

لوکی ٹھنڈک بخشتی ہے اور گرمیوں میں اس کا استعمال آپ کو کئی پریشانیوں سے بچا سکتا ہے جس میں موسم کی سختی شامل ہے گرمی میں اگر لوکی کا جوس پیا جائے تو یہ آپ کو گرمی سے راحت دیتا ہے اور گرم ہواؤں اور لو سے بچاتا ہے خصوصاً گرمیوں میں اس کے استعمال سے ڈی ہائیڈریش کی شکایت دور ہوتی ہے۔

By Sadia    |    In Health and Fitness   |    0 Comments    |    2745 Views    |    02 Jul 2021

Related Articles

Comments/Ask Question

Read Blog about شدید گرمی ہو یا معدے اور آنتوں کے مسائل۔۔ لوکی کے جوس کا استعمال کریں اور دیکھیں اس کا حیرت انگیز کمال and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (شدید گرمی ہو یا معدے اور آنتوں کے مسائل۔۔ لوکی کے جوس کا استعمال کریں اور دیکھیں اس کا حیرت انگیز کمال ) and how to utilize other natural ingredients to cure diseases, easy recipes, and other information related to food from KFoods.