کیا آپ بھی اپنی یا اپنے بچوں کی کھانسی سے پریشان ہیں تو ان آسان گھریلو نسخوں کو آزمائیں اور کھانسی سے مکمل نجات پائیں

جب سے کرونا کی وبا نے ساری دنیا کو اپنی لپیٹ میں لیا ہے ، اس وقت سے لوگ ایک دوسرے سے ڈرنے لگے ہیں خاص کر اگر کسی کو کھانستا دیکھ لیں تو فوراً ہی دور ہو جاتے ہیں ، اب وہ کھانسی چاہے موسمی ہو،کسی چیز کا پھندا لگ گیا ہو یا وائرل ہو۔ایسے میں کھانسنے والا لوگوں کے ردعمل سے شرمندہ ہوجاتا ہے۔یہاں ہم آپ کے لئے کھانسی کو ختم کرنے کے چند بہت آسان اور آزمودہ نسخے لائے ہیں،جنہیں استعمال کر کے آپ اس سے نجات حاصل کر سکتے ہیں۔

1۔ ۔کالا شہتوت ایک کلو لے کربلینڈ کرلیں۔ پھراسمیں ایک کپ چینی اورچارگلاس پانی شامل کرکے پکنے رکھ دیں۔ جب پک کرگاڑھا ہوجائے اوراس میں لیس آنے لگے تو کھانسی کی دواتیارہے۔ ٹھنڈا کرکے بوتل میں بھرکر رکھ لیں۔ بڑوں کے لئے ایک گلاس پانی میں تین چمچ ملاکر پلائیں اوربچوں کوایک گلاس پانی میں ایک چمچ ملا کر پلادیں کھانسی ٹھیک ہوجائے گی۔

2۔ دودھ میں کالا زیرہ ڈال کرپکا کرچھان کرپی لیں۔ کھانسی دورہوجائے گی۔ کوشش کریں شام چاربجے سے پہلے اسے پیئیں۔ ساتھ ہی ٹھنڈی اشیاء سے پرہیز کریں۔

3۔ کیلے کا چھلکا اوربڑی الائچی توے پرجلاکرپیس لیں پھراس میں شہد ملاکر تھوڑا تھوڑا چاٹتے رہیں۔ اس ٹوٹکے سے پرانی سے پرانی کھانسی جونہ جاتی ہووہ بھی چلی جائے گی۔

4۔ ایک چمچ لونگ اوردوچمچ انار کے چھلکے پیس کراس پاؤڈر کاایک چوتھائی چمچ لے کرآدھی چمچی شہد ملاکرروزانہ تین بارچاٹنے سے کھانسی ٹھیک ہوجاتی ہے۔

5۔ تلسی کے پتوں کا رس اور ادرک کا رس ملا کرآدھا چمچ اورآدھا چمچ شہد اچھی طرح ملاکرصبح وشام لے لیں افاقہ ہوگا۔

6۔ آدھا چمچ شہد میں ایک چٹکی کالا نمک ملا کرچاٹنے سے کھانسی میں فوری آرام آتا ہے۔

7۔ چھوٹے بچے کوکھانسی ہوتوبڑی الائچی کے دانے پیس کرشہد میں ملاکرچٹادیں۔

8۔ دوکپ پانی میں گڑ کی ایک چھوٹی ڈلی، ایک لونگ، ایک چٹکی سونف، ایک لہسن کاجوا اورایک چٹکی اجوائن ملاکراتناپکائیں کہ ایک کپ رہ جائے پھراسے چھان کر پی لیں۔

نوٹ:۔ یہ تمام نسخےعام کھانسی کے لئے ہیں ،ان نسخوں سے کھانسی ٹھیک نہ ہو تو ڈاکٹر سے چیک اپ کروائیں کیونکہ مسلسل اور زیادہ عرصے رہنے والی کھانسی پھیپھڑوں کی خرابی کی علامت ہو سکتی ہے ۔