سستے سے کڑی پتے کے مہنگے فائدے ۔۔ آپ سب کے گھروں میں موجود کڑی پتے کو چبانے سے کیا ہوتا ہے؟ ڈاکٹر بلقیس نے مشکل آسان کردی

قدرت نے ہر شے میں انسان کے لیے شفا رکھی ہے لیکن بہت سے لوگ ان چیزوں میں چھپے فوائد سے ناواقف رہتے ہیں جبکہ وہ آپ کے گھر میں موجود ہوتی ہے۔

انہی چیزوں میں ایک کڑی پتہ بھی آتا ہے جس کے بارے میں سنا ہی ہوگا کہ اس کے بہت سے فائدے ہیں۔ کڑی پتے کو زعفران کا نعم البدل بھی کہا جاتا ہے کیونکہ اس میں وہ تمام تر خصوصیات اور غذائیت موجود ہوتی ہے جو زعفران میں موجود ہے۔

کڑی پتہ جہاں کھانے میں ذائقہ بڑھانے کے کام آتا ہے وہیں یہ انسانی صحت کے لیے انتہائی معاون ثابت ہوتا ہے۔

پاکستان کی معروف ہربلسٹ ڈاکٹر بلقیس نے کڑی پتے کے فوائد بتائے آیئے جانتے ہیں۔

انہوں نے بتایا کہ کڑی پتے میں وٹامن سی، فاسفورس، وٹامنز ، میگنیشیم آئرن اور کیلشیم وافر مقدارمیں پائی جاتی ہے جو بہت سے فائدے فراہم کرتی ہے۔

دل کی بیماری یا بلڈ پریشر کے مریض صبح نہار منہ 7 عدد کڑی پتے چبا لیں اور پھر اس کے آدھے گھنٹے بعد ناشتہ کرلیں، جن لوگوں کا بلڈ پریشر ہائی رہتا ہے وہ اعتدال میں آجائے گا۔ یہ نسخہ آنتوں کے مسائل حل کرتا ہے اور لوز موشن کا بھی خاتمہ کردیتا ہے۔

ڈاکٹر بلقیس نے بتایا کہ کڑی پتے زعفران کا توڑ ہیں، جن لوگوں کو جوڑوں کا درد ہے وہ دن میں دو بار 15 پتے دوپہر اور رات کے کھانے سے پہلے چبالیں، اس سے بہت افاقہ ہوگا۔

ذیابطیس کے مریضوں کے لیے بہترین

شوگر کے مریضوں کو اکثر کڑی پتہ چبانے کا مشورہ دیا جاتا ہے اس کی وجہ یہ ہے کہ اس میں ہاپئو گلیسیمک خصوصیات پائی جاتی ہیں جو شوگر لیول کو کنٹرول کرنے میں مددگار ہوتی ہے۔

آنکھوں کے لئے مفید

کڑی پتے کھانے سے رات کے اندھے پن یا آنکھوں سے متعلق کئی دیگر امراض کا خطرہ ٹل جاتا ہے کیونکہ اس میں وٹامن اے پایا جاتا ہے جو بینائی بڑھانے میں مددگار ثابت ہوتا ہے۔

ہاضمے کے لئے عمدہ چیز

کڑی پتوں کو روزانہ خالی پیٹ چبانے کا مشورہ دیا جاتا ہے جس سے قبض ، تیزابیت، اپھارہ سمیت پیٹ کے تمام مسائل سے نجات مل جاتی ہے۔