73 سال کی عمر میں جڑواں بیٹیوں کی پیدائش نے سب کو حیران کردیا، ضعیف خاتون اپنے حمل اور بڑی عمر میں ڈیلیویری کے تجربے کا بتاتے ہوئے

خواتین میں 30 سال کی عمر کے بعد بچے پیدا کرنے کی صلاحیت میں کمی واقع ہونے لگتی ہے لیکن قدرت کا کھیل جس کو نواز دے وہ خوش نصیب کہلاتا ہے۔ بھارت کی رایست مہاراشٹر کے شہر میں 73 سالہ گنگوبالائی کے ہاں جڑواں بیٹیوں کی پیدائش نے ہر کسی کو حیران کردیا کہ یہ کیسے ممکن ہو سکتا ہے

گنگو بائی بڑی عمر میں ماں بننے کے تجربے کو بیان کرتے ہوئے کہتی ہیں کہ: " مجھے حیرت اور خوشی دونوں ہوئی جب زندگی بھر میری بچوں کی خواہش مکمل نہ ہوئی اور مجھے بانجھ پن کے طعنے سننے پڑے لیکن آئی وی ایف نے میری گود بھر دی۔ میں جانتی ہوں میں نے اپنی زندگی بھر کی پونجی اپنا سرمایہ اس ٹریٹمنٹ پر لگا کر بچیوں کو حاصل کیا ہے۔ جب میری بیٹیاں پیدا ہوئیں تو مجھے سب نے کہا کہ تم بوڑھی ہو اور اس عمر میں بی تم کو بیٹی پیدا کرنی تھی وہ بھی دو دو بہتر تھا کہ بیٹا پیدا کرکے کچھ سکون پاتیں۔ لیکن میں کیسے اپنے دل کے جذبات بتاؤں کیونکہ مجھے تو بچیوں کی بھی اس قدر خوشی تھی کہ بس۔"

خوشی ماند کب پڑی؟؟

73 سالہ نئی ماں بننے والی گنگو بائی کی بیٹیاں 9 ماہ کی ہوئیں تو ان کے 80 سالہ شوہر کا انتقال ہوگیا اور اس کے بعد ان کے لیے ایک مشکل لمحہ تھا اکیلے بیٹیوں کو پالنا کیونکہ بچیاں چھوٹی ہیں اور ماں کے سوا کوئی اور دوسرا ساتھ دینے والا بھی نہیں ہے۔ گنگو بائی نے ہار نہ مانتے ہوئے اس عمر میں بھی بیٹیوں کی کفالت کا ذمہ خود پالا اور اب ان کی بچیاں 4 سے 5 سال کی ہوگئی ہیں اور اسکول بھی جاتی ہیں