جسم کی فالتو چربی تیزی سے پگھلاتا ہے اور جگر بھی صاف کرتا ہے۔۔ کالی مرچ کو ہلدی کے ساتھ ملا کر کھانے کے بے شمار فائدے

جب بھی کوئی بیمار ہوتا ہے تو ڈاکٹر کے پاس جا کر علاج ضروری ہوجاتا ہے۔ اکثر ٹیسٹ اور علاج اتنے مہنگے پڑ جاتے ہیں جن کی مریض استطاعت نہیں رکھتے۔ جبکہ قدرت نے ہمیں ان تمام نعمتوں سے نوازا ہے جن کا اگر صحیح اور بروقت استعمال کیا جائے تو بیمار ہونے کی نوبت ہی کم آئے۔ ایسی ہی چیز کالی مرچ اور ہلدی ہے جنھیں ملا کر کھانے کے بے شمار فائدے ہیں۔

کالی مرچ کی غذائیت

کالی مرچ میں آئرن، زنک، کیلشیم، میگنیشیم اور پوٹاشیم سمیت بھاری مقدار میں وٹامن کے، اے، سی موجود ہوتا ہے اس کے علاوہ اس کو کھانے سے جسم میں وٹامن ڈی جذب کرنے کی صلاحیت پیدا ہوتی ہے۔ مختلف وٹامنز اور معدنیات کے ساتھ امائنو ایسڈ بھی پایا جاتا ہے۔

ہلدی کی اہمیت

ہلدی اینٹی انلفلیمیٹری یعنی سوزش کم کرنے والے عناصر سے مالامال ہوتی ہے۔ ہلدی میں وٹامن سی اور بی 6 موجود ہوتا ہے۔ یہ اینٹی آکسیڈینٹ بھی ہے اور جسم سے زہریلے اور فاسد مادوں کو نکالتا ہے۔

ملا کر کھانے کے فائدے

ہلدی اور کالی مرچ ملا کر کھانے سے جگر صاف ہوتا ہے کیونکہ یہ جسم سے زہریلے مادے نکال دیتا ہے۔ جسم سے فالتو چربی تیزی سے پگھلانے میں مدد کرتا ہے۔ خواتین کو چھاتی کے کینسر سے محفوظ رکھتا ہے۔ نظام ہاضمہ تیز کرتا ہے اور پیٹ میں گیس وغیرہ کے مسائل کم کرتا ہے۔ اینٹی بائیوٹک ہونے کی وجہ سے سوجن بھی کم کرتا ہے۔ ہڈیوں کو طاقت بخشتا ہے جس سے جوڑوں کے درد میں نمایاں آرام ملتا ہے۔

طریقہ استعمال

آدھا کھانے کا چمچ کالی مرچ کا پاؤڈر لیں اور ایک چوتھائی چائے کا چمچ ہلدی لیں۔ ان دونوں کو ملا کر مرکب بنا لیں۔ اب اسے چاہیں تو جوس میں ڈال کر پئیں یا گرم پانی میں۔ کھانے پر چھڑک کر بھی کھایا جاسکتا ہے۔