حج کیلئے گائے پال رہی تھی تاکہ ۔۔ بوڑھی خاتون کی روتے ہوئے ویڈیو دیکھ کر نور بخاری نے کیا کہا؟

آپ نے اکثر دیکھا سنا ہوگا کہ لوگ حج اور عمرہ پر جانے کے لیئے کتنی کوششیں کرتے ہیں کوئی ساری عمر بھیڑ بکریاں چرا کر پیسے جمع کرتا ہے تو کوئی پیدل نکل جاتا ہے۔ اللّٰہ کے گھر کی زیارت کی خواہش ہی ایسی ہوتی ہے کہ انسان ناممکن کو بھی ممکن کر دکھاتا ہے۔

لیکن اگر کوئی کسی کی یہ امید ہی چھین لے تو؟ اس وقت اسکی کیا کیفیت ہوگی یہ ہم اور آپ سوچ بھی نہیں سکتے، مگر سیالکوٹ کی ایک بوڑھی خاتون کے ساتھ یہ ہوا ہے۔

سوشل میڈیا پر ایک خاتون کی ویڈیو وائرل ہوئی جس میں وہ روتے ہوئے بتارہی تھی کہ، میرے پاس ایک گائے تھی جسے میں حج پر جانے کے لیئے پال رہی تھی، مگر کسی نے اسے چرا لیا۔ لوگوں نے کہا پولیس اسٹیشن جا کر شکایت کرو، تو میں نے کروا دی اور کل سے اب تک میں 5 سے 6 چکر اسٹیشن کے لگا چکی ہوں لیکن میری گائے کا کچھ پتہ نہیں چلا۔ میں گزارش کرتی ہوں کہ جس کو بھی ملے وہ یہاں اسٹیشن پر لا کر چھوڑ دے"۔

یہ ویڈیو جب نور بخاری نے دیکھی تو انہیں اس خاتون کی حالت دیکھ کر بہت دکھ ہوا اور نور نے ویڈیو شیئر کرتے ہوئے لکھا کہ، کیا کوئی ان ماں جی کو ڈھونڈ سکتا ہے؟ یا پھر اگر کسی کو ان کے بارے میں کچھ معلوم چلتا ہے تو پلیز میرا ان سے رابطہ کروا دیں۔"