بیٹی کا رشتہ طے ہوا تو ۔۔ بیٹیوں کا والد بن کر کیسا لگتا ہے؟ مشہور شخصیات کے دلچسپ خیالات، جانیے

والد چاہے سیاستدان ہو یا پھر اداکار یا پھر کوئی عام شخص، لیکن بچوں کو بڑا ہوتا دیکھ اسے صرف ایک ہی پریشانی ہوتی ہے کہ ان کا مستقبل اچھا ہو جائے۔

شاہد آفریدی:

شاہد آفریدی نے ہر موقع پر اپنی بیٹیوں کا ساتھ دیا ہے چاہے انہیں پڑھانا ہو یا ان کے شوق کو پورا کرنا ہو، بطور والد شاہد نے نہ صرف بیٹیوں کو سپورٹ کیا بلکہ ان کا دوست بن کر انہیں پالا۔

ٹی وی انٹرویو میں بھی شاہد بیٹیوں سے اس طرح بات کرتے ہیں کہ لگتا ہی نہیں کہ وہ والد ہیں بلکہ بیٹیوں کے دوست ہیں جو مزاق بھی کرتے ہیں اور انہیں بہترین مشورہ بھی دیتے ہیں، بڑی بیٹی کے رشتے کی بات پر بھی شاہد کے لیے یہ بڑا لمحہ تھا کیونکہ جس بیٹی کو انہوں نے نازوں سے پالا اب اسے وداع کرنے کے لیے بھی تیار ہو رہے ہیں۔

معمر رانا:

پاکستانی فلم انڈسٹری کے نامور اداکار معمر رانا بھی بیٹیوں کی شادی کے وقت اشکبار ہو گئے تھے، اداکاری کرتے کرتے کب بیٹی کی شادی کی عمر ہو گئی، اس سوچ نے معمر کا حیران ضرور کیا ہوگا مگر خوشی اس بات کی بھی ہے کہ آج بیٹی پیا گھر سدھار گئیں۔

یعنی اب بیٹی اپنے گھر خوش ہے اور کسی بھی باپ کے لیے اس سے بڑی خوشی اور اطمینان نہیں ہو سکتا ہے کہ اس کی بیٹی اب خوش ہے۔

شبیر جان:

مشہور اداکار شبیر جان بھی اپنی دلچسپ اور سنجیدہ اداکاری کی بدولت جانے جاتے ہیں، ہیرو سے والد کا کردار نبھانے والے آج حقیقت میں بھی ایک باہمت والد ہیں جو اپنے بچوں کو سنبھال بھی رہے ہیں اور انہیں بہترین تعلیم دے رہے ہیں۔

شبیر جان اور اہلیہ فریدہ شبیر بیٹی اور بیٹے دونوں کے لیے نیک خواہشات رکھتے ہیں لیکن والد کی بیٹی سے محبت کسی سے ڈھکی چھپی نہیں ہے۔

جاوید شیخ:

فلمی دنیا کا ایک بڑا نام جاوید شیخ، جو کہ بالی ووڈ میں بھی اداکاری کے جوہر دکھا کر آئے ہیں۔ جاوید شیخ کی بیٹی مومل شیخ خود بھی اداکارہ ہیں لیکن والد کے لیے وہ اب بھی ننھی پری ہیں۔

مومل جب کبھی والد کے ساتھ شو میں جاتی ہیں تو باپ اور بیٹی نے ایک ساتھ بتائے کسی ایسے لمحے کو ضرور شئیر کرتے ہیں جو کہ سب کی توجہ حاصل کر لیتے ہیں۔

مومل بھی والد کی چہیتی بیٹی ہیں، شادی کے بعد اگرچہ والد مومل کو لے کر مطمئن ہیں لیکن جب کبھی بیٹی میکے آتی ہے تو والد کے ساتھ خاص وقت بتاتی ہیں۔