علیزے کے بعد دوبارہ لڑکی ڈھونڈ رہے ہیں۔۔ 2 بچوں کے باپ فیروز خان نے پہلی طلاق کے بعد دوسری شادی کے متعلق کیا بتایا؟

علیزے سلطان پر تشدد کے الزامات اور طلاق کے بعد اداکار فیروز خان کو سوشل میڈیا پر کافی تنقید کا سامنا کرنا پڑا۔ اس دوران وہ مذہب کی طرف راغب نظر آئے اور کچھ عرصہ کسی نئے پراجیکٹ کا حصہ بھی نہ بن سکے

اداکار فیروز خان آئے دن خبروں کا حصہ بنے رہتے ہیں۔ یوں لگتا ہے جیسے لوگوں کو ان کی پروفیشنل زندگی سے زیادہ ذاتی زندگی سے دلچسپی ہے۔ خاص طور پر علیزے سلطان سے طلاق کے بعد فیروز خان کو دوبارہ شادی کے مشورے کئی دن سے دیے جارہے تھے جن پر اداکار نے بالآخر خاموشی توڑ دی ہے اور انسٹاگرام پر مداحوں کے سوالوں کے جواب بھی دیے۔

ایک صارف نے فیروز کو کمنٹ کیا کہ “کیا آپ اپنے بچوں سے پیار کرتے ہیں؟ آپ کو ایک اور عورت سے شادی کرلینی چاہیے۔ میں 24 برس کا ہوں اور میری دو بیویاں ہیں“ جس کے جواب میں فیروز نے کہا کہ آپ نے وہی کیا جو آپ سے کہا گیا تھا۔ بہت خوب۔

جبکہ ایک سوال کے جواب میں فیروز نے کہا کہ وہ آج کل لڑکی دیکھ رہے ہیں۔ ایک مداح نے فیروز کو زندگی میں آگے بڑھنے کا مشورہ دیا تو فیروز نے جواب دیا “سفر بہت پہلے شروع ہوا تھا، مجھے وہ شخص آخر کار مل گیا ہے، دیکھتے ہیں میں آگے کیا کرتا ہوں“ اس کے علاوہ جنگ نیوز نے دعوے کے مطابق فیروز خان اس بات کی تصدیق کرچکے ہیں کہ وہ حقیقتاً دوسری شادی کے لیے لڑکی کی تلاش میں ہیں اور وہ ایک دو نہیں بلکہ اس سے زائد شادیوں کے حق میں ہیں۔

واضح رہے کہ فیروز اور علیزے کی شادی 2018 میں ہوئی تھی جبکہ ان دونوں کے دو بچے بھی ہیں البتہ 2022 میں فیروز اور علیزے کی طلاق ہوگئی تھی۔