ناجائز رشتے کو اچھا جبکہ نکاح کو برا سمجھتے ہیں ۔۔ فیصل قریشی کم عمری میں شادی، طلاق اور معاشرے میں پھیلی منافقت کے بارے میں بات کرتے ہوئے

فیصل قریشی ایک شاندار پاکستانی اداکار اور میزبان ہیں جو آج تک لامحدود ہٹ پروجیکٹس کا حصہ رہے ہیں۔ شائقین ان کی بہترین اداکاری کو سراہتے ہیں اور لاکھوں مداحوں ان سے پیار کرتے ہیں۔

حال ہی میں، فیصل نے ایف ایچ ایم کے پوڈ کاسٹ میں شرکت کی جہاں انہوں نے کم عمری میں شادی، طلاق اور ازدواجی عصمت دری پر اپنے خیالات کا اظہار کیا۔

کم عمری میں شادی کے حوالے سے بات کرتے ہوئے فیصل قریشی نے کہا کہ، "ہاں! میری شادی کم عمری میں ہوئی، شادی کے وقت میں اٹھارہ سال کا تھا۔ وہ میرا بچپن ہی تھا، اور ہم زندگی میں ایسے ہی سیکھتے ہیں، یہ میری طرف سے محبت کی شادی تھی۔"

فیصل قریشی نے اُن لوگوں کی منافقت کے بارے میں بھی بات کی جو طلاق یافتہ لوگوں سے نفرت کرتے ہیں لیکن دھوکے بازوں کی تعریف کرتے ہیں۔ انہوں نے کہا کہ، "اگر آپ طلاق یافتہ ہیں تو لوگ آپ پر تنقید کریں گے لیکن اگر آپ ایک سے زیادہ خواتین کو ڈیٹ کر رہے ہیں تو وہ آپ کی تعریف کریں گے، ڈیٹنگ کو اچھا دکھاتے ہیں اور شادی کرنا جرم لگتا ہے۔ مثال کے طور پر ماہرہ خان کی شادی ہی دیکھ لیں ان کے بارے میں بھی خوب باتیں کی گئیں۔ فیصل نے کہا کہ ڈیٹنگ لوگوں کے لیے اچھی چیز ہے جبکہ حلال ان کے لیے برا ہے۔"

انہوں نے پاکستانی معاشرے میں ازدواجی عصمت دری کے تصور کے بارے میں مزید بات کرتے ہوئے کہا کہ، "ہمارے معاشرے میں لوگ خواتین کی رضامندی کی بات نہیں کرتے، ویسے وہ اسلامی تعلیمات کا حوالہ دیتے ہیں کہ بیوی کے لیے شوہر کی تابعداری کرنا لازم ہے۔ لیکن مردوں کو کبھی یہ ہدایت نہیں کی جاتی کہ انہیں بیویوں کے ساتھ کیسا سلوک کرنا چاہیے۔ پاکستان میں ان پڑھ، اناڑی اور شرابی لوگ اپنی بیویوں پر حقوق رکھنے کی بات کرتے ہیں، جبکہ کسی بھی رشتے میں مرد اور عورت دونوں کی عزت ہونی چاہیے۔