فرش صاف کرنے چند انوکھے طریقے جس سے گھر مہک اٹھے

گھر کتنا ہی سلیقے اور قرینے سے سجا ہو مگر فرش صاف نہ ہو تو اس کا خوبصورتی کوگویا گہن لگ جاتا ہے گھر کی صفائی اسی وقت نظر آتی ہے جب فرش صاف ہو ۔ آج کل گھروں میں ٹائل، اورماربل لگانے کا رجحان عام ہے جو دیکھنے میں حسین لگتے ہیں لیکن اکثر صفائی نہ ہو نے کی بنا پران میں کئی طرح کے داغ دھبے صاف ہو نے سے رہ جاتے ہیں جن کی وجہ سے ان کی چمک ماند پڑ جاتی ہے انہیں روز انہ کی صفائی کے ساتھ کچھ الگ کی طرح کی صفائی بھی درکار ہوتی ہے ۔ آج ہم آپ کو چند گھریلو اشیاء سے اس کی صفائی کا طریقہ بتائیں گے جن سے نہ صرف فرش چمکے گا بلکے مہکے گا ۔

لیموں اور نارنگی کے چھلکوں سے فرش چمکائیں

سفید سرکہ کی ایک لیٹربوتل میں میں چند لیموں یا نارنگی کے چھلکے ڈال کر دو ہفتے کے لئے رکھ دیں ۔ پھر کسی اسپرے بوتل میں آدھا سرکہ اور آدھا پانی ڈال کر اچھی طرح ہلائیں ۔ اب اس سے کمرے،باتھ روم ، کچن کے فرش اور دیوار پر لگے ٹائل کے داغ دھبوں پر لگائیں یہ صاف ہو کر نئے جیسے ہو جائیں گے اورایک مسحور کن خوشبو ہر سو پھیل جائے گی ۔

بیکنگ سوڈا

داغ کو صاف کرنے کے لئے بیکنگ سوڈا کو آزامائیں ۔ ایک چوتھائی کپ سفید سرکہ،ایک کھانے کا چمچ لکویڈ سوپ،ایک چوتھائی کپ بیکنگ سوڈا اور دو گیلن تیز گرم پانی اور چند قطرے کسی خوشبودار آئل کے شامل کر کے گھر کے فرش کو صاف کریں یہ بلکل نیا محسوس ہوگا اور مہکنے لگے گا ۔

منٹی واش

ایک کپ سفید سرکہ،ایک کپ پانی ،آدھا چائے کا چمچ لکویڈسوپ اور چند قطرے پودینہ کا تیل شامل کر کے مکسچر تیار کریں ۔ یہ دیگر صفائی کے محلول سے کئی گناہ بہتر صفائی دے گا اور ساتھ ہی پودینہ کی خوشبو سے کیڑے ،مکوڑے اور چوہے سے گھر محفوظ رہے گا ۔

کائی اور پھپوندی کی صفائی کے لئے

کافی عرصے تک اگر گھر کے مختلف حصوں کی صفائی یا دھوپ کا گزرنہ ہو تو اور پانی جمع رہے تو کائی اور پھپوند پھیلنے لگ جاتی ہے ۔ اس کی صفائی کے لئے لیموں کا رس اور بیکنگ پاءوڈردو نوں ہم وزن لیں جتنا آپ کو درکار ہے اب اسے متاثرہ جگہ پر چند گھنٹوں کے لئے پھیلا دیں اور پانی سے دھو لیں ۔

جراثیم کے خاتمہ کے لئے

ایک کپ ماءوتھ واش کو ایک گیلن گرم پانی میں میں ملا کر اس سے فرش کی صفائی کریں یہ جراثیم کا خاتمہ کرے گا اور فرش صاف ہو جائے گا ۔