منہ کے تڑپا دینے والے چھالوں سے نجات کے لیے یہ گھریلو ٹوٹکے ضرور آزمائیں

منہ کے چھالے ایک تکلیف دہ بیماری ہے ۔ اسے ایک خفیہ مرض بھی کہہ سکتے ہیں کیونکہ اس کی وجوہ کے بارے میں یقینی طور پر کچھ نہیں کہا جا سکتا البتہ معدے کی خرابی، قوت مدافعت کا کمزور ہوجانا، ذہنی دباؤیا جسم میں ضروری غذائیت کی کمی وہ چند ممکنہ وجوہ ہیں جن کے باعث منہ میں چھالے ہو سکتے ہیں ۔ ان چھالوں کی وجہ سے منہ میں تکلیف رہتی ہے اور کھانااور بولنا مشکل ہو جاتا ہے ۔ منہ کے چھالوں کا بروقت علاج نہ کیا جائے تو یہ بڑھ کر منہ کے السر کی شکل اختیار کر لیتے ہیں ۔

منہ کے چھالوں کے علاج میں شہد ایک بہترین دوا کا کام دیتا ہے ۔ اس کے اینٹی مائیکوبیئل اثرات منہ کے السر کو ختم کرنے میں مدد گار ثابت ہوتے ہیں ۔

شہد کو ہلدی میں ملا کر بھی چھالوں پر لگایا جا سکتا ہے ۔

نمک کے پانی سے30 سیکنڈ زتک کلی کرنے سے چھالوں کے درد میں آرام آتا ہے ۔ نمک میں موجود سوڈیم کلورائیڈ چھالوں کے ارد گرد کے ٹشوز سے پانی کو جذب کر لیتا ہے جس سے زخم جلدی بھرتا ہے ۔ نمک کے پانی سے منہ کی صفائی بھی ہوجاتی ہے اور زخم کے باعث پیدا ہونے والے جراثیم بھی ختم ہو جاتے ہیں ۔

دہی میں موجود مفید بیکٹریا اسے دودھ سے بھی زیادہ فائدہ مند بنا دیتے ہیں ۔ یہ بیکٹریا دودھ میں موجود کاربوہائیڈریٹس کے آرگینک ایسڈ میں تبدیل ہونے کے باعث پیدا ہوتے ہیں ۔ دہی میں موجود یہ بیکٹریا چھالوں میں موجود نقصان دہ بیکٹریا کو ختم کر دیتے ہیں ۔ محض دہی کھانا ہی چھالوں کی تکلیف دور کرنے کے لیے مفید ہے ۔ روزآنہ ایک کپ دہی کا غذاکے طورپراستعمال ضرور رکھیں ۔ اس کی افادیت مزید بڑھانے کے لیے اس میں ایک چمچ شہد بھی شامل کر لیں ۔

وٹامن ای کا استعمال بھی اس امر میں فائدے مند ہو سکتا ہے ۔وٹامن ای کے کیپسول کھانے میں بھی مفید ہیں اور اسے کاٹ کر اس کا سیال چھالوں پر بھی لگایا جا سکتا ہے ۔ وٹامن ای کا تیل چھالوں میں انفیکشن نہیں ہونے دیتا اور وہ جلدی ٹھیک ہو جاتے ہیں ۔

ایلو ویرامیں درد میں راحت دینے اور زخم بھرنے کی کرشماتی خصوصیات موجود ہیں ۔ ایلو ویرا کے پتوں کو چھالوں پر براہ راست ملنے یا پانی میں ملا کر کلی کرنے سے چھالوں میں جلد آرام آجاتا ہے ۔
بشکریہ: اُردو نیوز

By Imran Khan  |   In Health and Fitness  |   0 Comments   |   3379 Views   |   11 Feb 2022
Related Articles
Top Trending
Comments/Ask Question

Read Blog about منہ کے تڑپا دینے والے چھالوں سے نجات کے لیے یہ گھریلو ٹوٹکے ضرور آزمائیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (منہ کے تڑپا دینے والے چھالوں سے نجات کے لیے یہ گھریلو ٹوٹکے ضرور آزمائیں) and how to utilize other natural ingredients to cure diseases, easy recipes, and other information related to food from KFoods.