پانی میں کچرا آرہا ہو یا ٹنکی اندر سے خراب ہوگئی ہو۔۔ ٹنکی اور اسکے پانی کو صاف کرنے کا آسان طریقہ کیا ہے؟ جو بنائے اسے کم پیسوں میں نئے جیسا

اکثر لوگوں کے پانی کا ٹینک آئے دن گندہ ہو جاتا ہے اور پانی میں بدبو آنے لگتی ہے اور پانی پیتے وقت متلی/قے محسوس ہوتی ہے، کچھ لوگوں کے ہاں تو کھارے پانی کی وجہ سے ایسا ہوتا ہے، مگر بعض اوقات ٹینک کے گندہ ہونے یا مٹی اور کائی جمنے کی وجہ سے بھی بدبو آتی ہے۔ پانی کیونکہ روزمرہ زندگی میں بہت زیادہ اہمیت رکھتا ہے اسلیئے اسکی صفائی بھی اتنی ہی زیادہ اہمیت کی حامل ہے۔

ٹنکی کا پانی ہم کھانا بنانے، منہ ہاتھ دھونے، نہانے اور وضو کرنے کیلیئے استعمال کرتے ہیں اسلیئے اس کا صاف اور جراثیم سے پاک پونا ضروری ہے تا کہ یہ پیٹ کی بیماریوں کا سبب نہ بنے۔ آج ہم آپکو بتائیں گے کچھ انتہائی آسان ٹپس جس سے آپ گھر میں ہی اپنی پانی کی ٹنکی اور اس میں موجود پانی کو صاف کرسکتے ہیں۔

ٹنکی کا پانی صاف کرنے کی ٹپس

٭ ٹینک میں موجود پانی کو صاف بنانے کے لئے اس میں پھٹکری ڈال کر چھوڑ دیں۔ اس سے کچرا اور گندگی نیچے بیٹھ جاتی ہے اور پانی صاف ہو جاتا ہے۔ عموماً گھروں میں یہی فارمولا استعمال کیا جاتا ہے جوکہ بہت کارآمد ہے۔

٭ اگر پانی زیادہ گندہ ہے یا ٹینک کی گہرائی زیادہ ہے تو اس میں پھٹکری کے ساتھ آپ کیلشیئم بائی کاربونیٹ نامی کیمیکل بازار سے خرید کر ڈال دیں، اس سے پانی بالکل صاف ہو جاتا ہے اور پینے میں بھی ذائقہ خراب نہیں ہوتا۔

٭ پانی کو صاف کرنے کے لئے کسی بھی کیمیکل کی دکان سے آپ سلفر پاؤڈر خرید کر بھی پانی میں ڈال سکتے ہیں اور ساتھ ہی کلورین کے چند قطرے، یہ دونوں کیمیکل ایک صاف محلول بناتے ہیں جس سے پانی میں موجود گندگی کے اثرات زائل ہو جاتے ہیں اور پانی پینے کے لئے فائدے مند ہو جاتا ہے۔

٭ اگر آپ کے یہاں کھارا پانی آتا ہے تو یاد رکھیں، کھارے پانی کو صاف تو بنایا جاسکتا ہے لیکن میٹھا نہیں کیا جاسکتا۔ اس لئے ٹینک میں یا پانی کے گیلن اور بوتلوں میں پوٹاش ایلم ضرور ڈالیئے یہ بھی پھٹکری کی ایک قسم ہے اور 50 روپے میں آسانی سے مل جاتی ہے۔

پانی کی ٹنکی صاف کرنے کا طریقہ

ٹنکی صاف کرنے کا طریقہ سمجھنے کیلیئے نیچے دی گئی ویڈیو دیکھیں