دماغی قوت میں اضافہ اور۔۔ جانیئے چقندر کے استعمال سے آپ کو کون کون سے حیرت انگیز فوائد حاصل ہو سکتے ہیں

چقندر کا استعمال ہم سلاد اور اکثر سالن میں بھی کرتے ہیں یا اس کی بھنی ہوئی سبزی بنا کر لوگ اسے کھانا پسند کرتے، یہ جان لیں کہ چقندر کو آپ اپنی روزانہ کی شامل کریں تو اس سے آپ صحت کا خزانہ پاسکتے ہیں۔
کیونکہ چقندر میں ائبر، فولیٹ، میگنیز، پوٹاشیم، آئرن اور وٹامن سی سے بھر پور مقدار میں موجود ہوتا ہے اور یہ تمام غذائی اجزاء آپ کو توانائی اور صحت فراہم کرتے ہیں اور آپ کو کئی امراض سے محفوظ رکھتے ہیں۔
غذائیت سے بھرپور چقندر کے فوائد جاننے کے بعد یقینا آپ بھی اسے اپنی روزانہ کی خوراک میں شامل کیے بغیر نہیں رہ پائیں گے تو آیئے اس کے حیرت انگیز فوائد جان لیتے ہیں۔

چقندر کے فوائد

توانائی میں اضافہ

چقندر میں نائٹرک آکسائیڈ موجود ہوتا ہے اور نائٹرک آکسائیڈ کی بدولت خون کی شریانیں کشادہ ہوتی ہیں اس سے مسلز کو زیادہ آکسیجن ملتی ہے جو کہ جسمانی توانائی کو دیر تک برقرار رکھنے میں مددگار ثابت ہوتا ہے۔
تحقیق کے مطابق چقندر کا جوس نکال کر پینا جسمانی طاقت میں حیرت انگیز اضافہ کرتا ہے اور اس سے قوتِ مدافعت میں اضافہ ہوتا ہے۔

دماغی طاقت کے لیے مفید

مسلز کو زیادہ آکسیجن کی فراہمی کے ساتھ ساتھ چقندر دماغ کو بھی زیادہ آکسیجن فراہم کرتا ہے اس لئے چقندر کو دماغی صلاحیت بڑھانے دماغ کی کارکردگی میں اضافے کے لئے استعمال کرنے کا مشورہ دیا جاتا ہے اس کے لئے چقندر کو سلاد میں اور جوس بنا کر استعمال کرنا فائدے مند ہے۔

قبض سے نجات

ایک کپ چقندر میں ساڑھے 3 گرام فائبر ہوتی ہے اور یہ جز قبض کو دور کرنے کے لئے معاون ہوتا ہے چقندر میں نہ گھلنے والا فائبر موجود ہوتا ہے اور یہ نہ گھلنے والا فائبر غذا کو تیزی سے غذائی نالی سے گزرنے میں مدد دیتا ہے اور بہت جلد خارج بھی کر دیتا ہے، اس لئے چقندر کا استعمال کرکے قبض سے با آسانی نجات پایا جا سکتا ہے، ایک تحقیق میں بتایا گیا ہے کہ پرانا قبض یا کم فائبر والی غذا بواسیر کا خطرہ بڑھاتی ہے اور اس سے بچنے کے لئے سب سے آسان حل چقندر کا استعمال ہے۔

اینٹی آکسائیڈنٹس بھرپور

چقندر میں میں اینٹی آکسائیڈنٹس کی وافر مقدار موجود ہوتی ہے جو کہ جسم میں گردش کرنے والے فری ریڈیکلز کے نقصان سے بچانے کے لئے ضروری ہیں ان فری ریڈیکلز کو ختم کرنے سے جان لیوا امراض سے بچا جا سکتا ہے اور اس کے لئے چقندر کا استعمال مفید ہے۔

کینسر کا خاتمہ

چقندر کے استعمال سے کینسر پیدا ہونے سے روکنے میں مدد ملتی ہے اس سبزی میں موجود روغن جسم میں کینسر خلیوں کی افزائش کو کم کرنے میں مددگار ثابت ہوسکتا ہے۔

حاملہ خواتین کے لیے مفید

ڈاکٹرز خواتین کو چقندر کھانے کا مشورہ دیتی ہیں کیونکہ یہ جسم میں خون کی مقدار بڑھاتی ہے حاملہ خواتین کو اس کے استعمال پر زور دیا جاتا ہے کیونکہ چقندر میں آئرن موجود ہوتا ہے جو ریڈ بلڈ سیلز بنانے میں مددگار ثابت ہوتا ہے اور اکثر حاملہ خواتین کے اندر ان کی کمی ہوجاتی ہے جو کہ چقندر کے استعمال سے دور کی جا سکتی ہے۔