ایلوویرا آپ کی سوچ سے زیادہ پاورفُل ۔۔ جسمانی صحت ہو یا جلد اور بالوں کے مسائل، یہ ایک پتا ساری پریشانیوں کا حل

ایلوویرا کا پودا قدرت کی طرف سے ایک انمول تحفہ ہے جس میں انسانی صحت اور خوبصورتی کے کئی راز چھپے ہوئے ہیں، اس کا استعمال جلد، بالوں اور صحت تینوں کے لیئے نہایت مفید ہے۔ اسلیئے گھر میں ایلوویرا کا ایک پودا لازمی لگائیں کیونکہ یہ ہر موقع پر آپ کے کام آئے گا۔

آج ہم آپ کو اس کے استعمال سے متعلق چند ٹپس بتائیں گے جو مختلف صحت کے مسائل میں آپ کی مدد کریں گی۔

پیٹ کی چربی:

پیٹ کی چربی کم کرنے کیلیئے 3 چمچ ایلوویرا جیل اور 1 کپ گریپ فروٹ کا رس لیں اور دونوں کا جوس بنا کر پی لیں، 2 سے 3 ہفتوں میں نمایاں فرق دکھے گا

نزلہ زکام:

ایلوویرا کو توے پر رکھ کہ بھون لیں اور اس کا جیل نکال لیں اور اس میں شہد ملا کر 2 بار دن میں کھا لیں، نزلہ زکام اور کھانسی ٹھیک ہوجائے گا۔

جگر کے مسائل:

ایلوویرا جیل میں کالا نمک اور ادرک ملا کر 10 دن صبح میں کھائیں، جگر کے مسائل حل ہونے لگیں گے۔

جلد کیلیئے:

ایلوویرا جیل کو چہرے پر لگانے سے کیل، مہاسے، جھریاں اور جھائیاں نہیں آتیں اور یہ قدرتی سن بلاک کا کام بھی کرتا ہے۔

بالوں کیلیئے:

گرتے بالوں کیلیئے آپ ایلوویرا کا پتا کاٹ کر اسکا جیل سر کی جلد میں لگائیں بال گرنا کم ہوجائیں گے، اور اگر اسکے جیل میں لیموں کے قطرے ملا کر پیس لیں اور اسے سر میں لگائیں تو اس سے بال اچھے ہوتے ہیں۔

ایلوویرا جیل میں کھوپرے کا تیل ملا کر لگانے سے بالوں سے خشکی اور سکری کا خاتمہ ہوتا ہے۔