کیا آپ کا کولیسٹرول بڑھا ہوا ہے؟ جانیں 5 ایسی غذائیں، جو قدرتی طور پر کولیسٹرول کنٹرول کر سکتی ہیں

آپ نے شاید کچھ غذائیں دیکھی ہوں گی جنہیں کولیسٹرول کم کرنے میں مددگار کہا جاتا ہے، لیکن غذا اور کولیسٹرول کا آپس میں کیا تعلق ہے؟ ہمارے جسم میں کولیسٹرول کی دو قدرتی اقسام ہیں۔

ایچ ڈی ایل، جسے اچھا کولیسٹرول کہا جاتا ہے، اور ایل ڈی ایل، جسے عام طور پر برا کولیسٹرول کہا جاتا ہے۔ عام طور پر، ایچ ڈی ایل کا زیادہ ہونا صحت مند ہے، جبکہ ایل ڈی ایل کا زیادہ ہونا دل کی بیماری کے بڑھتے ہوئے خطرے سے منسلک ہے۔

کولیسٹرول کو کم کرنے والی غذائیں: سیب:

2020 کے ایک مطالعے میں، جس میں 40 صحت مند افراد (جن میں تھوڑا زیادہ کولیسٹرول تھا) شامل تھے۔ شرکاء، جو روزانہ دو سیب کھاتے تھے ان میں برے کولیسٹرول میں کمی دیکھی گئی۔ اس کی وجہ یہ ہو سکتی ہے کہ پھلوں اور سبزیوں میں پلانٹ سٹیرول اور سٹینول کولیسٹرول جیسے مرکبات ہوتے ہیں جو کولیسٹرول کو کنٹرول کرنے میں مدد کرتے ہیں۔

گرین ٹی:

دل کی بیماری کے خطرے کو روکنے کے لیے ایک حکمت عملی اچھے کولیسٹرول کو کم کیے بغیر برے کولیسٹرول کو کم کرنا ہے، جس کے لیئے گرین ٹی ایک اچھا آپشن ہے۔ تحقیق کے میٹا تجزئیے میں بتایا گیا کہ، سبز چائے نے کل کولیسٹرول کی سطح اور ایل ڈی ایل کی قدروں کو حفاظتی ایچ ڈی ایل پر کوئی اثر کیے بغیر نمایاں طور پر کم کیا۔

دالیں:

کئی مطالعات میں دالیں، پھلیاں، اور مٹر (چھولے) کی اصطلاح کو کولیسٹرول میں کمی سے منسلک کیا گیا ہے۔ 2014 کی ایک تحقیق میں پتا چلا کہ روزانہ 3/4 کپ دالیں برے کولیسٹرول کو 5 فیصد تک کم کرتی ہیں۔ اگرچہ یہ بہت زیادہ نہیں ہے پر ایک اہم کمی ہے۔

زیتون کا تیل:

کچھ چکنائیاں، جیسے سیچوریٹڈ اور ٹرانس فیٹس، آپ کے کولیسٹرول کو بڑھا سکتی ہیں لیکن تمام تیل ایسے نہیں ہیں۔ زیتون کا تیل صحت مند چکنائی کی ایک مثال ہے جو درحقیقت آپ کے خراب کولیسٹرول کو کم کرنے اور آپ کے اچھے کولیسٹرول کو بڑھانے میں مدد کر سکتا ہے۔

بادام:

2015 کی ایک تحقیق میں بتایا گیا کہ دل کے امراض کے مریضوں میں، ناشتے سے پہلے صرف 10 گرام بادام کھانے سے (یا تقریباً آٹھ بادام) حفاظتی اچھے کولیسٹرول کی سطح کو بڑھاتے ہیں۔ آپ بادام کا مکھن اور بادام کا آٹا بھی اپنی خوراک میں شامل کر سکتے ہیں