نمک نہ صرف آپ کے کھانوں کا ذائقہ بڑھاتا ہے بلکہ آپ کے بالوں کے لئے بھی فائدہ مند۔۔

یوں تو کہا جاتا ہے کہ کھارا پانی بالوں کے لئے خطرناک ہے، کیونکہ اس میں نمک شامل ہوتا ہے لیکن یہاں ہم آپ کو بتائیں گے کہ سمندری نمک آپ کے بالوں کے لئے کس طرح فائدہ مند ہو سکتا ہے۔ یہ تو سب ہی جانتے ہیں کہ کسی بھی کھانے کے ذائقے کی جان نمک ہے نمک کے بغیر ہر چیز بدمزہ اور بدذائقہ لگتی ہے۔ لیکن اس کا بہت زیادہ یا بہت کم استعمال بھی آپ کی صحت کے لئے مضر ہوسکتا ہے۔ لیکن یہ ہماری جلد اور ہمارے بالوں کے کافی مسائل حل کرنے کا گر جانتا ہے ، کیسے یہ ہم آپ کوبتا کر حیران کردیں گے۔ نمک جلد کے لئے بہترین اسکرب ثابت ہو سکتا ہے، اس سے جلد کی ایکسفولیشن بہت اچھی طرح ہوتی ہے یہ مردہ سیلز کو نکال باہر کرتا ہے اور جلد کو صاف ستھرا کردیتا ہے۔ اسی طرح بالوں کے لئے اس کا استعمال آپ کو کئی مسائل سے نجات دلا سکتا ہے۔

1۔ جن کے بال چکنے رہتے ہیں:

اگر آپ کے بالوں کے ساتھ بھی یہی مسئلہ ہے کہ آپ کے بال چکنے رہتے ہیں اور ان سے تیل نکلتا رہتا ہے تو اس مسئلے سے نجات کے لیے سمندری نمک استعمال کیا جاسکتا ہے۔یہ بالوں سے گندگی نکال کر ان کو صاف کردیتا ہے۔ اس نمک کی وجہ سے کھوپڑی میں موجود غدود زیادہ تیل پیدا نہیں کرتے، یہ آپ کے سر پر جمع مردہ خلیات کو بھی نکالنے میں مدد کرتا ہے ۔اس نمک کو پانی یا شیمپو میں ملا کر استعمال کیا جاسکتا ہے۔

2۔ بالوں کو گرنے سے بچاتا ہے:

آج کل بچہ بچہ اس مرض میں مبتلا ہے کہ بال گرتے ہیں۔ بالوں کا گرنا اندرونی کمزوری کی وجہ سے بھی ہو سکتا ہے اور آپ کے استعمال ہونے والی پروڈکٹس کی کوالٹی کی وجہ سے بھی ہوسکتا ہے۔۔ اس کے لئے آپ سمندری نمک کو اپنے سر پر مل سکتے ہیں اس سے آپ کے سر کے جو مسام بند ہیں وہ کھل جائیں گے جس سے بالوں کی نشونما میں مدد مل سکتی ہے۔

3۔ خون کی روانی بہتر بنائے:

سمندری نمک کو سر پر رگڑنے سے خون کی روانی بہترہوتی ہے، اس کے علاوہ سمندری نمک میں موجود غذائیت جیسے کیلشئیم، میگنیشئیم،زنک، سلفر، سوڈیم کلورائیڈ اور برومائیڈ بالوں کی نشونما میں مددگار ثابت ہوتے ہیں۔ اس نمک کو سر پر بھی ملا جا سکتا ہے دوسرے شیمپو وغیرہ میں مکس کر کے بھی استعمال کر سکتے ہیں۔

4۔ خشکی سے نجات کا ذریعہ:

بالوں کو دھونے کے لئے اگر سمندری نمک استعمال کریں تو دیکھا گیا ہے کہ اس سے خشکی کا مسئلہ بھی حل ہوجاتا ہے۔ یہ بالوں کے فولیکلز کو بھی مضبوط بناکر ان کو نمی بخشتا ہے۔
اس کے استعمال سے پہلے اپنے معالج یا اسکن اسپیشلسٹ سے مشورہ کر لیں۔ ایسا نہ ہو کہ آپ کو کسی قسم کی الرجی ہو اور یہ آپ کے لیے مضر ثابت ہو، یہ صرف ایک معلوماتی مضمون ہے ،کسی بھی قسم کی بیماری یا الرجی کی صورت میں ہرگز اپنے معالج کے مشورے کے بغیرکوئی بھی ٹوٹکہ یا نسخہ استعمال نہ کریں۔

By Afshan    |    In Tips and Totkay   |    0 Comments    |    3584 Views    |    06 Jul 2022

Related Articles

Comments/Ask Question

Read Blog about نمک نہ صرف آپ کے کھانوں کا ذائقہ بڑھاتا ہے بلکہ آپ کے بالوں کے لئے بھی فائدہ مند۔۔ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (نمک نہ صرف آپ کے کھانوں کا ذائقہ بڑھاتا ہے بلکہ آپ کے بالوں کے لئے بھی فائدہ مند۔۔) and how to utilize other natural ingredients to cure diseases, easy recipes, and other information related to food from KFoods.