ٹماٹر مہنگے ہوں یا سستے ۔۔۔ اب کوئی ٹینشن نہیں، جانیئے ٹماٹروں کو ایک سال تک محفوظ رکھنے کے 4 آسان طریقے

کوئی بھی تہوار ہو ہمارے ہاں ٹماٹر سب سے پہلے مہنگے ہوجاتے ہیں کیونکہ سب کو پتہ ہے کہ زیادہ تر ڈشزمیں ٹماٹر ڈالے جاتے ہیں،عید ہو، بقرعید ہو، رمضان ہوں یا محرم ہردفعہ ٹماٹروں کی ویلیو ہائی ہوجاتی ہے اورایسے میں خواتین پریشان ہوجاتی ہیں کہ کیا کیا جائے کیونکہ تقریباً ہر کھانے میں ٹماٹرڈلتے بھی ہیں اور ان سے زائقہ بھی آتا ہے اور گھر کے مردوں کے موڈ خراب ہوجاتے ہیں ٹماٹر کا نام اور ان کے دام سن کر۔ایسے میں ہم ٹماٹرکو محفوظ کرنے کے 4 ایسے طریقے لے کر آئے ہیں جن کو آزما کر آپ اپنے ٹماٹر ایک سال تک بالکل محفوظ رکھ سکتی ہیں نہ ان کا ذائقہ خراب ہو گا اور نہ ہی ان کا رنگ۔

طریقہ نمبر1

سب سے پہلے ٹماٹروں کو اچھی طرح دھو کر کسی کپڑے سے خشک کر لیں۔
اس کے بعد ان کے اوپر اور نیچے سے ڈنٹھل کاٹ دیں۔ اور ایک پتیلے میں پانی ڈال کر ان ٹماٹروں کو اس میں ڈال کر اس میں ایک چمچ نمک ڈال کر 15 منٹ کے لئے ابلنے دیں ۔ اوپر سے کور کردیں۔
15 منٹ کے بعد جب ٹماٹر ابل جائیں تو ان کا چھلکا ہٹا دیں اور ان کو بلینڈر میں ڈال کر پیس لیں۔
اب ان کو کیوبس کی ٹرے میں ڈال کر فریزر میں جما دیں۔ اور جب جم جائیں تو یہ کیوبس کسی تھیلی یا زپ لاک میں ڈال کر محفوظ کر لیں اس سے جگہ نہیں گھرے گی۔ یہ ایک سال تک بالکل خراب نہیں ہوں گے۔

طریقہ نمبر 2

ٹماٹر دھو کر خشک کر لیں ان کے اوپر نیچے کے ڈنٹھل کاٹ دیں اور ان کو 4 ٹکڑوں میں کاٹ لیں۔
اب ایک ائیرٹائٹ کنٹینر لیں اس میں نیچے ایک پلاسٹک کی شیٹ بچھائیں اور اس کے اوپر لائن سے یہ ٹماٹر رکھ دیں، خیال رہے یہ ایک دوسرے کے اوپر نہ رکھیں ، نیچے کی لائن رکھ کر دوبارہ اس کے اوپر پلاسٹک شیٹ رکھیں اور پھر اوپر دوسری تہہ لگائیں۔ اسی طرح رکھتے جائیں۔ جب کنٹینر بھر جائے تو اس کو پیک کر کے رکھ دیں ، اسے اگر فریج میں بھی رکھیں گے تو یہ 20 دن تک بالکل تازہ رہیں گے خراب نہیں ہوں گے۔ اور فریزر میں رکھ دیں گے تو تقریباً 8 ماہ تک خراب نہیں ہوں گے۔

طریقہ نمبر 3

ٹماٹر دھو کر خشک کر لیں اب اس کے اوپر نیچے کے ڈنٹھل کاٹ کراس اس ٹماٹر پر اوپر کی سائڈ پرکراس میں کٹ لگادیں۔ اب اس کو کسی شاپر میں ڈال کر فریزر میں رکھ دیں یہ بھی ایک سال تک خراب نہیں ہوگا ۔ جب استعمال کرنا ہو تواس کو شاپر سے نکال کر پانی میں ڈال دیں نرم ہوجائے تو چھلکا اتار کر استعمال کریں ۔ کٹ لگانے کی وجہ سے چھلکا آسانی سے اتر جائے گا۔

طریقہ نمبر 4

ٹماٹر دھو کر خشک کر لیں اور ان کو کسی زپ لاک بیگ میں رکھ کر بالکل پیک کر دیں کہ اس میں بالکل ائیر نہ جائے۔ اب اس کو فریزر میں رکھ دیں یہ بھی ایک سال تک خراب نہیں ہوں گے۔

By Afshan  |   In Health and Fitness  |   0 Comments   |   7956 Views   |   08 Jul 2022
Related Articles
Top Trending
Comments/Ask Question

Read Blog about ٹماٹر مہنگے ہوں یا سستے ۔۔۔ اب کوئی ٹینشن نہیں، جانیئے ٹماٹروں کو ایک سال تک محفوظ رکھنے کے 4 آسان طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ٹماٹر مہنگے ہوں یا سستے ۔۔۔ اب کوئی ٹینشن نہیں، جانیئے ٹماٹروں کو ایک سال تک محفوظ رکھنے کے 4 آسان طریقے) and how to utilize other natural ingredients to cure diseases, easy recipes, and other information related to food from KFoods.