میں بہت پریشان ہوں۔۔ حمیرا اصغر کی آخری بار ماں سے کیا بات ہوئی؟ والدین نے پہلی بار سامنے آ کر راز کھول دیے

Humaira Asghar Parents First Interview After Her Death

کراچی کے ایک فلیٹ سے 9 ماہ بعد ملی حمیرا اصغر کی لاش نے سب کو ہلا کر رکھ دیا۔ اداکارہ اور ماڈل ہمائیرا کی موت پر اٹھنے والے سوالات نے عوام کو گہرے صدمے میں مبتلا کر دیا۔ سوشل میڈیا پر خبر جنگل میں آگ کی طرح پھیل گئی، ہر طرف ایک ہی سوال گونج رہا تھا: آخر حمیرا کے ساتھ ہوا کیا؟

اب حمیرا کے والد ڈاکٹر اصغر اور والدہ نے لاہور رنگ سے گفتگو میں پوری کہانی بتا دی ہے۔ ڈاکٹر اصغر کے مطابق، حمیرا بچپن سے ہی فنونِ لطیفہ کی دلدادہ تھی۔ اُس نے نیشنل کالج آف آرٹس سے تعلیم حاصل کی اور پھر شو بزنس میں قدم رکھا۔ سات سال پہلے وہ کراچی منتقل ہوئی، اور یہ فیصلہ اُس نے باقاعدہ والدین کی اجازت سے لیا تھا۔

والدہ نے بتایا کہ آخری بار اگست 2023 میں حمیرا سے بات ہوئی تھی۔ اُس نے بتایا کہ اُس کی سمیں بند ہو رہی ہیں اور اُسے مدد کی ضرورت ہے۔ لیکن اُس نے یہ نہیں بتایا کہ کس قسم کی مدد چاہیے۔ اُس کے بعد سے رابطہ منقطع ہو گیا۔ والدہ نے تسلیم کیا کہ دل بے چین رہتا تھا، لیکن کراچی میں جان پہچان نہ ہونے کے باعث کچھ کر نہیں سکے۔

مشہور دعوے گردش میں تھے کہ والدین نے بیٹی کی لاش لینے سے انکار کر دیا۔

اس پر ڈاکٹر اصغر نے وضاحت دی کہ بطور ایک ڈاکٹر وہ جانتے ہیں کہ بغیر پوسٹ مارٹم لاش وصول نہیں کی جا سکتی۔ ان کا کہنا ہے کہ معاملہ مشکوک لگتا ہے اور وہ اس میں سازش کو خارج از امکان نہیں سمجھتے۔

والد کے مطابق حمیرا مالی طور پر خودمختار تھی، کرائے کی ادائیگی نہ کرنا اُس کی فطرت کے خلاف ہے۔ انہوں نے کہا کہ حمیرا نے کبھی جائیداد کی تقسیم یا اپنے حصے کا مطالبہ نہیں کیا، اور وہ ایسی گھٹیا بات سوچ بھی نہیں سکتی تھی۔

اب جب کہ والدین سامنے آ چکے ہیں، کیس کی نوعیت مزید پیچیدہ ہو گئی ہے۔ کیا حمیرا کی موت محض اتفاق تھا یا اس کے پیچھے کوئی سازش چھپی ہے؟ سچ کیا ہے؟ یہ وقت ہی بتائے گا۔