اب بغیر تیل کے چپس، کباب اور پکوڑے تلیں۔۔ جانیں کسی بھی چیز کو تلنے سے پہلے یہ انوکھا طریقہ جس میں تیل کی ضرورت ہی نہیں پڑے گی

تیل سے پرہیز کرنے والے اپنی خوراک کے حوالے سے پریشان رہتے ہیں کہ وہ کیا کھائیں جس میں تیل کی ضرورت نہ پڑے۔ اس آرٹیکل میں ہم آپ کو ایسی چیز کے بارے میں بتائیں گے جس کے بعد آپ بغیر تیل کے بھی فرائیڈ چیزیں کھا سکیں گے۔

ائیر فرائیر

ائیر فرائیر ان لوگوں کے لئے کار آمد ہے جو اپنی خوراک میں کم سے کم تیل استعمال کرنا چاہتے ہیں۔ ائیر فرائیر میں وہ چیزیں بہت آسانی سے بغیر تیل کے تلی جاسکتی ہیں جنھیں عام طور پر لبالب تیل میں بھر کے ڈیپ فرائی کیا جاتا ہے جیسے کہ چپس، نگٹس وغیرہ۔

ائیر فرائیر کام کیسے کرتا ہے؟

جس طرح چیزیں تیل میں ڈوب کر تلی جاتی ہیں ائیر فرائیر چیزوں کو پکانے کے لئے صرف درجہ حرارت کا استعمال کرتا ہے جس کی وجہ سے چیزیں پک جاتی ہیں اور ان کا خستہ پن برقرار رہتا ہے۔ اکثر اشیاء میں ہلکا سا تیل کا اسپرے کرنا پڑتا ہے لیکن یہ باقی اوون اور ڈیپ فرائی کے مقابلے میں بہت کم ہوتا ہے۔

اوون کی طرح درجہ حرارت سیٹ کرنا پڑتا ہے

ائیر فرائیر چیزوں کو پکانے کے لئے کم وقت لیتا ہے اور اوون کی طرح اس میں درجہ حرارت سیٹ کرنا پڑتا ہے۔